الغيرة

أخواتي عاونوني راني كنكتب وغنطرطق بالبكا لاني وصلت لاقصى ما فيا انا أم لثلاث بنات وما أدراكن ما البنات الكبرى اربع سنين ونصف والوسطى عامين ونصف و الصغرى شهرين المشكل بنتي الوسطى غارت لواحد الدرجة ميمكنش تخيولها ولات عنيييييفة وغي كتضرب وعنيذة وغي كتهرس معرفت مندير غتقولولي حطي الصغيرة وفابليها ميمكنش حيت حتا هي غي لاصقة فيا غي كنحطها كتبدا تغوت وولفات غي البزولة اما الكبرى ولات منبوذة مسكينة انا وصلت لقمة د الاصعاب عيني تحفرو من كثرة البكا ولليت كنضربهم واحد الصرب خايب لاني كنكون معصبة مكنحسش براسي هاد الدوامة انا فيها بوحدي راجلي ديما خارج واذا دخل كيزيد للطين بلة انا عييت وحاية براسي كنتكرفس على بناتي لانهم نعمة من الله وانا غي كنضربهم مكيخرجو موالو بسبب ختهم باقا صغيرة والبرد وانا حرت شحال من مرة كنفكر نخلي الحملبما جمل ونمشي لاني كنقول مقديتش نكون ام مكاين لاش نزيد نعذبهم معايا ومكنقدش

---

hgydvm

ختي الله يحسن عوانك معاهم راه بسيف متولي عنيفة راه مكتخرجيهمس باش يفرغو الطاقات ديالهم و الغيرة حاجة طبيعية كنتمنا يدخلو البنات لي عندهم تجربة كتر يفيدوك انا عند ولد في عمرو تلات سنوات و حاملة هاد السيمنة نولد و غير كنخمم لهاد الغيرة

ختي لبنية لعندها شهرين حاولي تنقصي ليها لهزان بدللها ورضعها وحطها هادي تبك شوية وتسكت مع لمدة هادي تولف وحاولي تخصصي وقت يومي لبنياتك لخرين لعب وقراية بالنسبة لتجربتي فاش ولدت وخا فاتحة تنلعب مع ولدي الاخر وخا لعيا وصهير باش ميحش بان جا لي ياخد ليه بلاصتو وحاولي تنظمي الرضاعة لصغيرة وعاوني بالسكاتة باش متبقاش ديما هزاها هي مزال معرف والو لكبرات لخصهم العناية واياك والضريب صبري معاهم وعاوني بالدعاء الله اهدهم لك واصلحهم

ختي مقدرة اللي نتي فيه ولكن غير صبري والله يعاونك مع بنياتك.* مكانش عليك تولفي للصغيرة الهزان وكثرة الاهتمام انا ملي ولدت ولدي الثاني كنرضعو ونبدل ليه ونخليه يبكي ولا لايجلس وكنعطي الاهتمام لبنتي حيث كتعرف. ومواجهتش هاذ المشكل ديال الغيرة. كنصحك نقصي الاهتمام للصغيرة رضعيها وبدلي ليها وحطيها خليها تبكي غتولف وحاولي تبردي اعصابك غتجيبيها غير فراسك وفصحتك وبنياتك متبقايش ضربيهم راك غتخرجي عليهم يطلعو عنيفات وضعيغات الشخصية. و حاولي تمتعي معاهم وتلعبي معاهم الكبيرات ايلا اهتميتي بيهم و لعبتي معاهم وخرجتيهم* غيكونو هاديات والصغيرة كيفما شافتهم غتكون وتذكري دائما ان هناك من يتمنى ولو طفل ومعطاهش الله حمدي الله وتهلاي فيهم.

عن طريق : samsung – SM-N9005

شكرا اخواتي على اهتمامكن انا حاولت معاهم بشتى الطرق لكن دغيا كنمل لاني جد مرهقة فالليل السهير وفالنهار الطياب والتخمال وهما الحمد الله على كل حال والله يجعل ربي يقويني ويعيني

ختي غير وسعي خاطرك دابا يكبرو وينفعوك و ستاعني بالدعاء. الشقا والتخمال مغادي يهرب بنياتك اهم حاجة فحياتك. نسيت نقوليك الصغيرة متخليهاش تبقى تشوف فيك رضعيها وبدلي ليها عطيها باش تلعب و بعديها عليك. مرة مرة طلي عليها محدها شايفاك وهي تغوت.

عن طريق : samsung – SM-N9005

السلام عليكم اول حاجة اختي نقولها ليك هي لبنت الصغيرة متولفيهاش البزولة ديري ليها لوقت بين كول رضعة او رضعة 2سويع بدلي ليها او حطيها هيا صغيرة خاصها غير النعاس واخى غادا تعدبك فلول غير صبري و خاليها تبكي غادا تولف ايو لخرين هما لي خاصك تلعبي معاهم و تهتمي بيهم اكتر راه حتى انا دزت من نفس التجريبة و عاد انا من ولدت ولدي كان عندو غير عام و 8شهور ودرت كيفما قلت ليك

ختي الله يحسن عونك الترابي صعاب وزيد الا كانا قبل وليدات
غير نتي بد حاولي توسعي خاطرك وحمدي الله وشكرييه راه ربي بغاك
البنات راه رحمة وحنينات مازال يكبرو وعجبوك وهادشي يبقا تعاويد
حاولي الكتكوتة الصغيرة تبدل يترضع وحطيها تبكي ليو وغدا وغتولف
والشقا شوفي ميمتك ولا خواتاتك ولا مكانوش شوفي شي مرة مرة ف 15 تجي ديرلك شقا الكبير والباقي را غتقديه نتي خفيف والماكلة موجود الخير شوفي شي مرا كتصايب الملوي بغرير….. وشري بزااايد وعمري الكونجلاتور نهار لي تقدي صايبي فدارك ميمن وبطبوط معمر بيتزات صغار سيكار معمرين وغتهناااي وتربحي الوقت مرة مرة لبسي البنات مزيان وخرجيهم وخ البرد علاه البرد مكيخرجوش الناس راه تا البنية صغيرة تولفلك الجو دبرا المهم هادشي الا راكي فالمغرب راه تسلكي راسك الا راك مغربة معندي منقوول غير الله يصبرك وقوله صَلَّى اللَّهُ عَلَيْهِ وَسَلَّمَ : ( مَنْ كَانَ لَهُ ثَلَاثُ بَنَاتٍ أَوْ ثَلَاثُ أَخَوَاتٍ أَوْ ابْنَتَانِ أَوْ أُخْتَانِ فَأَحْسَنَ صُحْبَتَهُنَّ وَاتَّقَى اللَّهَ فِيهِنَّ فَلَهُ الْجَنَّةُ ) رواه الترمذي (1916) وأبو داود (5147) وابن ماجه (3669) وصححه الألباني في صحيح الترغيب والترهيب .

ختي الله اعنك راه حاسين بيك عاد والدا وصهير ومسؤليات 3 دلبنات وكولهم صغااااار لكن كما قالو جمع الاخوت الغيرة فصي لها لهزان الى فيها لوجع عوني بلوزة او الكمون الصوفي و النافع البلدي غير شي حبيبات قلال وتشرب لما ديالها راه تيريحو وتبقا تنعس مزيان وشقى دري غير لي ضروري لصعيبة خلها اللهم الروينة وعطي لوقت لبنياتك راه حتى الى محتاجن الاهتمام تيدو لبسالة كثيرة باش اترو الانتباه والى متمشوش لروض فرض علهم ادرو لقيلولة باش ترتاحي وارتاحو وحتى الى تتنعسهم بكري ابقا لك لوقت لك ولزوجك وكوني اكيدة وبناتك قد ما لعبتي معاهم تيولو مهدنين وتيسمعو لكلام وحتى زوجك مسؤول خصكم تعاون بجوج سواء على اشغال لمنزل او وقت لبنات وعلى حسب ضروفو

اختي هدا احساس طبيعي أنا ام لتوام وما ادراك ما توام لي شافها هادا بغاها هادا وعندي واحد قفبيح شوية كيضرب خوه وحتى أنا بيني وبينك كيطلعلي دم لكن كان حاول نتحكم. في زمام الامور خاصك تهدني رأسك هو لول ونساي مشاكل وعطي تركيزك كلو لبنيات بالنسبة لبنت لكبيرة والوسطى أنا من رأي دخليهم لشي حضانة وتكلفي نهار كامل بالتربية والشقا وفاش يجيو فلعشيا غادي تكوني موجدا ليهم لعبي معاهم وديري معاهم شي أنشطة والتربية ديما خليها في مكان أمن متولفيهاش لهزان خليها تبكي را غادي تسكت وبالنسبة للغيرة حاولي تشري لعب ولاشي حلويات فينما تبالك الوسطى كتغوت عطيهم شي حاجة وقولي ليها هادي من عند اختك الصغيرة وبداي تعطيها لبنية حطيها في يديها وقولي ليها اختك زوينة المهم كاين بزاف مايدار خاصك توسعي خاطرك بزز منك حيت إنتي بوحد المسؤلة عليهم وميكنش لي عونك هاد الوقت من غير الله سبحان وكتري من الاستغفار وكتري من الدعاء وديري في بالك كل نهار داز ربحتيه وكل شهر غادي يكون تغيير حيت الوليدات غادين وتيكبرو ودابا واحد نهار تولي كالسة وهو يشقاو عليك غي الصبر