الظلم اجيو نحكيو عليه

انا لي اب طاغي بزاف بزاف فوق ما يتصور اي واحد فيكم قمة الطغي . ملي تزاديت قال لماما انا ماكنولدش البنات شوفي لمن تعطيها فالجدة ديالي سمعات الكلام والنقاش اللي دار حولي فقالت الله يا سيدي ربي انا نتكفل بيها مع العلم ان جدتي امراة كبيرة فالسن و زوجها ميت والولاد اللي هما خوالي كيسكنو معاها ومعندهاش حتى مدخول
قامت ماما خلاتني بعدما رضعاتني الشهرين الاولى و رحلات مع بابا و خويا الكبير لمدينة اخرى …….الى بغيتوني نكمل ليكم خاصني نحس بتفاعلكم معايا

وفديك الاثناء كبراتني جدة اللي وليت كنقول ليها ماما و سهرات و تعدبات عليا حتى تحل ليها صدرها بقوت التحمال.امراة عظيمة بزاف ياربي تزيد ليا فعمرها .هنا غادي ندخل واحد الحادثة و بغيتكم تخيلوها-حكاتها ليا جدة ملي كبرت-كان خالي كيديني القهوة بالليل و ينتظر حتى يساليو الناس اللي كيشربو الحليب كياخد الشياطة ديالو و يرضعها لي فالرضاعة
وانا ادمع دما حين اسمع هده القصة
كبرت حتى ولات عندي 5 سنوات ثم جاو الوالدين باش يخدوني لديك المدينة اللي عايشين فيها و العدر هو باش نكبر مع خوتي الذكور و يعرفوني و نعرفهم و هنا بدات المعاناة الحقيقية………

---

hg/gl h[d, kp;d, ugdi-rwm pdhjkh lu hg/gl- hgulg ugdirwm

اختي نحن معك فاكملي لعلي اجد عندك فرجا لهمي

مشكورة اختي كانتمنا القصة ديالي تغير ولو القليل من مجرى حياتك للجانب الايجابي فيها
لذا غانكمل حكايتي…..

اكملي حبيبتي كلنا اذان صاغية الله يفرج همك نصيحتي ليك ماتبقايش تفكري فالماضي بخايبو بزينو باش ماتمرضيش وماتحطميش راسك عيشي الحاضر و قلي دائما الحمد لله وانتمنى من الله يكون مستقبلك احسن

والله إلى تأثرت بالقصة ديالك أختي الله يهون عليك ويسهل ماصعاب
نحن في انتظار التكملة

لمعاملة اللي كانو كايعاملوني بها كانت صعبة جدا.كمثال للدكر فقط لا للحصر ملي كيجي العيد نتوما كنتو كاتمتعو بيه ملي كنتي اطفال انا كنت كنساينو يشري ليا الحوايج ديما كان كيسبق خوتي عليا فاي حاجة حتى فالكتب المدرسية ….واختصارا للوقت و للمجهود فالكتابة…..درست و كبرت و وصلت حتى الماستر وربحت جوائز كثيرة مع العلم انه الى لقاني كنحفظ كينوضني المطبخ نعاون ماما واخا ماكاين ما يدار وهي مسكينة كادافع عليا خلي على العصا اللي كنت كانكلها بلا سبب….. اما السخرا فديما انا واخا فالليل كيخلي خوتي الذكوركيلعبو بالبلايستيشن وانا كنتسخر اوا بقات هاكاك حتى وصل السيل الزبى و كنت قريبة نقتلو وجا فرج الله و مشينة فالعطلة الصيفية عند جدة قلت ليهم انا ما نرجعش معاهم ابدا 13 سنة ديال العذاب دوزت و كملت قرايتي عند جدة و فيوم من الايام تعرفت عبر الانترنت ملي كنت خدامة فسيبير باش نجمع فلوس بحث الماستر….جات عندي واحد الاخت محتجبة مكنعرفهاش و قالتلي هاك هاد السيت فيه ناس المعقول قلت ليها خليني عليك انا مابغا زواج…………يتبع

histoire triste

في انتظار التتمة
الله يفرج كرب المهمومين آمييييين

أختي أحنا معاك حتى تكملي باذن الله تعالى
نطلب ربي يفرج همك ويفك كربتك إن شاء الله