الطورطة للي شاركت بيها فالمسابقة

السلام عليكم ورحمة الله تعالى وبركاته 12-12-2019 هاد ط§ظ„ط·ظˆط±ط·ط© صايبتها لبنوتي الصغيورة درتها على نكهة الشكلاط واللوز على بركة الله انا درت2جنواز بالكاكاو و2 باللوز بالنسبة للمقاديرد الجنوازبالكاكاو كنحتاجو: 3بيضات +90غ سنيدة+30غ دقيق+2م ك كاكاو +2م ك حليب غبرة+نصف م ص خميرة+فاني وبالنسبة للجنواز باللوز كنحتاجو:4بيضات +120غ سنيدة+80غ دقيق+40غ بودرة اللوز+نصف م ص خميرة+فاني+2قطرات روح اللوز والطريقة كنطلعو البيض مع السكر وفاني حتى يضاعف الحجم ديالو ونغربلو المقادير الناشفة ونبقاو نضيفوها للبيض بالمهل ونحركو من الاسفل للاعلى ونسرحوها فاللاطة وندخلها للفرن تطيب هدي نفس الطريقة ليهم ب2 وخديت ورق مقوى ورسمت فوقو الشكل وحطيت الجنوازات على بعضهم وحطيت الرسم فوقهم وقطعت وبالنسبة للكريم طلعت القشدة الطرية مع السكر وفاني ونقصت شوي زدت عليه نوتيلا وغبرة اللوز براليني وخديت شوي اخر وضفت عليه الكاكاو واحد مغلوق والاخر مفتوح للتزين والباقي د الكريم الابيض ضفت عليه قطرات من روح اللوز ورجعت خديت الجنواز د الكاكاو وسقيتو بالعصير د الليمون د العلبة ودرت الكريم الابيض ودردرت اللوز محمر ومهرمش ودرت الجنواز الابيض وسقيتوو درت الكريم للي فيه النوتيلا وهكدا كملت الباقي وغطيتها كاملة بالكريم وخديت عود الخشب وعلمت التزيين للي بغيت ودرت حبيبات الشكلاط فالجناب وزينت بالكريم والوسط خديت شوي د الناباج وضفت عليه شوي كاكاو وخويتو الوسط وخا عدبني باش تبت ودردرت علية شوي د الصقلي والصور تشرح اكتر كنتمنى تنال اعجابكن في امان الله