الصدر عامر بالبرد و الكحبة خاوية عاونيني

السلام عليكم
اوا راجلي مسكين كيمرض غير بالليل و كنلقا راسي حاصلة غير ب داكشي لي عندي في الدار و مكنعرفش باش غير نديبانيه بيلما صبح النهار و نشريو الدوا
قولولي الله يستركم يلا شي حد تخنق بالليل و صدرو ولا كيخرخر او كيصفر ملي كيتنفس و كيكحب لكن كحبة ط®ط§ظˆظٹط© شنو ممكن ديرو ليه بيلما صبح النهار شنو نعطيه او شنو ندهن ليه باش يقدر يرتاح غير شوية؟؟؟

---

hgw]v uhlv fhgfv] , hg;pfm oh,dm uh,kdkd hgs]v ]hkdj

السلام اختي ممكن تعطيه زيت العود دافية شوية اولا كان صدرو مخنوق حكي شوية البصلة حمرة فجوج معالق عسل حر وخليها حتى تطلق تقريبا ساعة وكتولي غير ما وصفيها وعطيها ليه وكدلك زريعة الكتان كطحنيها ديك الساع ماشي تكون قديمة حيتاش الطحنات وبقات كيزول منها مغعولها وبلا متكون محمرة وكتخلطيها مع شوية العسل نتمنى نكون افدتك والله يجيب الشفاء

السلام عليكن
شوفي انا بنتي كانت كتخنق و نديوها المستعجلات يديروا لها الاكسجين وكيعملوا لها الابرة و ورجعات لها الحالة من بعد ايام و ديتها لطبيبة كملت الدواء رجعت لها الحالة و منكدبش عليك تهلعت عليها خفت تولي عندها الضيقة و انا نبحت في واحد الكتاب عندي و لقيت وصفة خيالية رحمة الحمد لله ودعت بها مبقاتش كتجيها ديك الحالة
كتاخدي عرقسوس و تقطعيه بالسكين اعواد رقاق و من بعد طريفات صغار باش يتطحن لك بسهولة (متشريهش مطحون ) و نفس المقدار زريعة الكتان و دفيهم ومن بعد طحنيهم و كناخد مقدار ملعقة كبيرة و نهلطهم بالسمن رحمة
الله يشافي لك زوجك

سكنجبير غبرة تغلي الماء مزيان وتخويه على معلقة سكنجبير وتخليه ربع ساعة مغطي غادي يكون دفا يشربو ويتغطى مزيان حتى يعرق انشا اء الله الكحبة ما تبقاش ناشة ويرتاح شوية

خاصو فالصباح يبقى يفطر بالزيت البلدية و يغمس مزيان و ديري ليه شوية البصارة و لناء الله ترطاب مزيان هدشي انا لي درت عاد فاتني واحد المنزلة ديال البرد و سلات ليا بالكحبة وانا عليها غير بالزيت البلدية واجي تشوفي اش كيخرج الحمد لله الزيت البلدية رحممممممممة من عند سيدي ربي
الله يشافيه اختي اه نسيت بقاي تسخني يديك و دهني بالزيت البلدية و كمدي ليه سدرو حتى يسخن و يلبس مزيان
و الله يعاونك اختي و يسهل عليك ما صعاب*

اختي انا السيمانة الفايتة كان اضربني البرد في الليل تخنقت و ما ابقيتش كنقدر نهضر بلكورج اديالي كنت خديت موعد الغد ليه مع الطبيبة ديالي ولكن في الاخر ما امشيتش حينت عيط لي راجلي باش انجيبو حينت كان مسافرصافي في الليل اخديت جوج ضروس د التومة كبار حمرين اقسمتهم على جوج زولت لهم القلب اقطعتهم على جوج و زدت عيلهم نصف كاس زيت العود وخليتهم شوية فوق البوطة شي 5 دقائق فوق نار مهيلة ما خاصوش اغلي خليه يبرد وعمليه في قريعة تكون معقمة وتبقاو تشربو 2 ملاعق كبار قبل الوجبات و انشاء 3 ايام غادي اتحسن ولكن خاصو ابقا اشربها حتى اتحسن بمرة انا اليوم كملت 8 ايام واحمد لله ما ابقاتش في الكحبة الوصفة خاص كل 3 ايام تعملي وحدة جديدة اراه ما فيهاشششششش الريحة بتاتا هاد الوصفة خديتها من عند الدكتور الفايد فعالة 1000/100 اانشاء الله بادن الله توافق راجلك و لكن خاصو اتبعها يوميا سبحان الله كتصفي الصدر بشكل عجيب جربوها اردي علي نهار اخر غاد انحط لكم وصفة لالتهاب اللوزتين يعني الحلاقم من تجربتي وفعالة 1000/100 انشاء الله

ختي نصيحة بحب الرشاد نقيه وهزي شوية بين صباعك وسفيه بشوية الما راه دقة بطلة للكحة والحلق والحلاقم والصدر