انا بنتي في عمرها 14 شهرا
و بغيت نحيد ليها السكاته و لكن وحلت معاها
ولبدا تديرها عاد باش تنعس
وفي الليل تاتفيق ترضع البيبرون و عاد تولي تنعس……
كيفاش نحيد ليها السكاته و البيبرون ملي تبغي تنعس……
عاونوني الله يجازيكم بخير…..
ماعنديش تجربة مع الدراري هده بنتي اللي عندي
hgsghl ugd;l hgfkhj ll;k j]og,h jodg,h
نتمنا الأخوات لي عندهوم تجربة إفيدونا
حتى انا كان عندي هاد المشكل ،بالنسبة لسكاتة ضروري خصك تحيديها ليها فأقرب
وقت لحقاش كدير لحلاقم أكدير لكاز فلمسارن.
ممكن تعطيها سكاتة تلوحها بدها فطارو ديال الزبل اعزكم الله،أكولي ليها صافي نتي
راه كبرتي راه لحنا سكاتة أخصها تعرف بلي صافي مغاديش تعاود تشوفها.
أخصكي تعولي نتيا أختي samiraya ملي تبغي تنعس راه غادي تبكي بكاء غيقطع ليك
القلب خصكي تصبري .
أبالنسبة لرضاعة واحد المرة كان ولدي مريض أدوزت ليه عند الطبيب أسولتو على
الرضاعة باليل أكال لي حبسيها ليه حيت كدير ليه تخمة.
صافي داك النهار حيت ليه الرضاعة أملي كيسولني عليها كنكول ليه نسينها عندالطبيب
أديك اليلة بكا تقريبا شي ساعة بدون توقف حتى داه النعاس أالليلة التانية نفس
المشكل حتى نساها.إلى بغيتي ديري هاد الطريقة خصك تكوني عازمة بلي مغديش
تعطيها ليها مرة أخرى ألى راه غضربي كلشي فزيرو.
هدة مشكلة السكاته و لكن الله غالب
ولكن انا بنتي مازال مكتميز
مكتعرف الطبيب و اطارو د الزبل
مازال ما تتعرف تميز
عمرها عام ونص
فهمتيني
شكرا الحبيبة ديالي
كتفيق بالليل ترضع أتعاود تنعس عارفة راه الرضاعة حداها.
أنا ولدي حيدت ليه السكاتة ملي عندو 8شهور أالرضاعة ملي عندو عام أشهرين.
واقلة أختي نتي لي مفيك ميسهر ههههههه غير كنضحك معاك داك شي علاش كلت
ليك خصك شوي دالعزيمة أبزاف ديال الصبر باش مضعفي أتعاودي تعطيها ليها.
الله يوفقك.
ولكن ايلا خليت بنتي تبكي غير 5 دقائق
تتجري عكوزتي و تسول مالها.اش درتي ليها
ويلا حيدت ليها السكاته .غادي ينوضوا الجيران
ولكن غادي ندير كيما قلتي
و غادي نتوكل على الله
وا دعي معايا حبيبة
شكرا بزاف على الدعم ديالك
دير سكاتة ،الصراحة هي راه كتهني بلا متبقاي تراري خشي سكاتة فلفم أهاهي
نعسات،أممكن لعكوزتك تعاونك نتي سكتيها شوي أهي تسكتها شوي.
أإلى خفتي ضعفي ديري سكاتة فشي ميكة عاد عطيها ليها تلوحها فزبل أملي تمشي
عودي هزيها أغسليها بشوي دجافيل أالماء سخون،أإلى مقدرتيش تصبري عليها
عطيها ليها وخا مكنصحكش ديريها حيت غادي تعرف وقتما منعتي عليها سكاتة
غير تبكي شوي أغادي طعطيها ليها.:(
أالله إعاونك حيت دزت من ديك المرحلة أحاسة بيك.
أنا ولدي كان مبلي بالسكاتة كيجري على رجليه والسكاتة في فمو واحد النهار طلع لي الدم ونا نقطع ليه راس الجلدة بالموس ديري فيها فتحة كبيرة بحال إلا شقيتي زيتونة
وحطيتها وقت للي هزها دارها في فمو كتجيه ماشي هي هاديك وكيرميها حتى نساها
أما البيبرون عمرني ما عطيتها لولادي بالليل كنظن غير شبعيها مزيان وحاولي تبداي تعطيها الحليب في الكأس وخصك شوية ديال الصبر راه بحال الفطام
الله يعاونك
الله يعطيك الصبر أو يعاونك
انا بنتي كاع معرفا اشنو هي السكاته في النهار ويلا حطتي ليها السكاته حداها كاع م تتعرفها
حيت انا تانديرها ليها غير ايلا بغات تنعس
انا بغيت تولف تنعس بلا سكاته بلا رضاعة
مع العلم انها م مولفاش لي يهزز فيها حتى تنعس
فهمتوني
الله يعاوني عليها