البنات لحملو بمنشطات التبويض دخلو عافكوم

السلام عليكم ورحمة الله وبركاته
البنات الله يخليكم لعندها معلومات على هادالشي تفيدني كيف ماباين فالعنوان بغيت نسولكم انا قبل مانحمل فاش التحقت براجلي بقيت عام وماحملتش مشيت لطبيب قالي عندك ضعف فالتبويض البويضات تيخرجو اصغر من حجمهم الطبيعي عطاني تريتماون بديتها فاش جاتني الدورة سهليا الله حملت فهداك الشهر دابا الحمد لله ولدت بقاتلي يومين ونكمل الاربعين دابا واش ماندير والو بخصوص مانع الحمل واش غانبقى فينما نبغي نحمل ناخد منشطات للعلم ولدت بعملية قيصرية عافاكم ماتبخلوش عليا بافادتكم ولالعندها تجربة فهاد الشي تفيدني والله يجازيكم بخير وسمحوليا طولت عليكم

---

hgfkhj gplg, flka’hj hgjf,dq ]og, uht;,l lplg,

اييييييييييييييييييييييييييييييييييييه الحبيبة نفس الحالة ديالك حملت بالمنشطات ولدت بالعملية او ما شاء الله مات ليا الولد او جاتني الربعين مادرت والو او حملت ضروري تشوفي الطبيب باش يعطيك مانع الحمل

شكراااا ليك اختي على ردك الله يجازيك بالخير
الحمد ربي عوضك
واش حملتي مور الاربعين مباشرة وكيف كانت ولادتك عادية وسمحيليا كثرت عليك بالاسئلة

عالية الف مبرووووووووووك على سلامتك و مبرووك الزيادة
بالنسبة لسؤالك الى كنت ماباغاش تولدي دابة خودي المانع و لا الى خفتي يشد ليك ديري شي وسيلة اخرى
ماشي شرط حيت حملتي بالمنشطات تعاودي تحملي بيهم تقدري تحملي طبيييعيا
قولي ليا اشمن منشطات لي استعملتي ؟

اهلا سليمة الله يبارك فيك كيدايرة نتي وكيدايرة هبة ؟ فين غبرتي راه دخلت لتجمع فاش ولدت وكتبت قصة ولادتي تما يمكن مابقيتيش دخلتي ليه
بخصوص المنشطات عطاني كلوميد شربتها فاليوم الثالت من الدورة بديتها من بعد عطاني ابر بورجون تتضرب فوق الركبة فالعضل على شكل قلم كنت تنعملها بوحدي من بعدها ابر التفجير عملتها عند الممرضة ومن بعدها شربت دوفاستون وتيحدد اوقات الجماع هذه هي تريتماون لتبعت فشهر واحد وجاب الله التيسير
انا خفت من حبوب الحمل داكشي فاش قلت مانعمل والو

smite tbib likonti mtab3a m3ah 3afak

انا اختي ماكايناش فالمغرب وهاد الطبيب هنايا فالسعودية

سمحيلي لختي على روتار اه اختي حملت مباشرة ورا اربعين او ولدت بالفتيح طبعا

شكرااا ليك بزاف على الرد الله يجازيك بالخير