السلام عليكم البنات حنا كان بابا كاري لشي ناس بالعقد و ما كيعطيهمش التواصل غير ديك الكونطرا الي دارو نهار الاول و فيها تلات سنوات و ملتزمين باش يخلصو الواجب د الماء و الضوايوا كانو مزيانين نهار الاول يخلصوك و كيخلصو الضوء و الماء ديالهم و لكن داز عام و مشاو كراو فجيهة اخرى و ما قالوها لينا كاع غير كنت خارجة مع ماما و صدفة لقيت المراة و قالت ليا عافاك را حنا خرجنا من داركم و غنديو الرحيل اليوم و راه غنجيبو ليكم الساروت د الدار و ملي يجي الماء و الضوء عيطي ليا و نتلاقاو نجيبو ليك ايوا ما علينا خرجو و تكرات الدار دابا و لكن ملي عيطت ليها على الفلوس الي كنتسالوهم تقريبا 500dh بقات كتخوا عليا اليوم غدا اليوم غدا دابا تلات اشهر و طالعين فالرابع و لقيتها فالزنقة و يله غادية نهضر معاها و هي تحول عليا وجهها زعما ما شافتنيش و حتا انا ما هضرتهاش و بابا قاليك علاش يخليو ليا البروصي ديالهم مالهم ما يخلصو الواجبات الي خسرو و يجيبو ليا ساروتي و قاليك غيدعيه فالمحكمة و بابا ما بيهش الفلوس بيه الشمتة قاليك هوما قد ولادي و جاو يضحكو عليا
المطلوب كيفاش يدير يرد فلوسو حيت هوما باينين سلتو و ما غيعطيو والو حبيا
ha k]dv, lu ih] hgkhs
هدوك باينين ما مخلصين ما والو
الاب ديالك ارتكب خطأ عند كراء المنزل في المرة القادمة يخلي المكترون يتعاقدوا مع الشركة من اجل الاشتراك في عداد الماء والكهرباء وبذلك كيبقئ اي شهر ما تخلصش واجب عليهم وليس عليه
لانه لا يعقل باش يخلص دائما الشهر الاخير لكل مكتري عند انصرافه هذا من جهة
من جهة ثانية لا بد ما يقوم بمعاينة علئ طريق المحكمة يثبت فيها خروج المكترين من الدار ثم يرفع دعوئ امام المحكمة يطالب فيها بمستحقات الاشهر غير المؤداة
حاولو تعرفوهم فين سكنو علئ قبل الاستدعاءات
الله يوفق
