السلام عليكم ورحمة الله تعالى وبركاته
كيديرين اخواتي الحبيبات كنتمنى تكونو بخير وحياتكم الزوجية على أحسن مايرام
بغيت نتشاركو بموضوع نحكيو فيه اشنو درنا في النهار من شقا الدار
وفيه ما يالي
الوقت اللي فقنا فيه :
شنو شقينا من شغال الدار :
شنو طيبنا ماكلة :
بغيت هاد الموضوع يدير فينا الحماس باش نشقاو في دارنا أكثر خصوصا المعكازات اللي بحالي ههههههههههههههههههه باش مانحشمش ماللي مانلقى ما نشاركم بيه ^.^
الموضوع تنافس جميل لبيت نظيف ومرتب باش من التكرار تصبح عندنا عاده مع الايام نفيقو بكري ونساليو شغالنا باش نلقاو وقت لرجالنا ولاولادنا وقبل كل شي لراسنا
والموضوع أكيد فيه صراحه تامه حتى لو مادرنا والو نقولو مادرنا والو
إذا عجبتكم الفكرة شاركو وكنتمنى الحماس منكم يا زوينات
وليكم كل الحب من أختكم في الله أم أحمد2019
.
ha ]vjd dh hgph`;i hgd,l ? [vfd
ام احمد الغزالة كيف عاملة لباس عليك الزين، عندك الصح فكرة مزيانة منها كلنا نتحمسوا ويالاه فينك فتحتي الموضوع وهربتي، حتى انا معاك ونتمنى البنات يتفاعلوا معاك.
سمحوليا راه غيرو هاد الموضوع من قسم الاجتماعي لهنا وخلاوني نقلب عليه هههههههههههههههههههههههه
كنشكر كل وحده باسمها باش مانضيعوش الوقت في الردود ياللا يا الحاذقات
انا غنكتب اش درت من شغال الدار راني معكازه وماكنشقاش بزاف داكشي علاش درت هاد الموضوع باش نحشم ونشقى ونلقى ما نكتب هههههههههههههههه
لوقت اللي فقنا فيه :
فقت مع 12 ونص وبصراحه كنبقى ناعسه بزاف ولكن ولدي فقسني مابغاش ينعس وانا نفيق ههههههههههههه
شنو شقينا من شغال الدار :
قاديت الناموسية وناموسية ولدي شطبت الدار ماقدرتش نجفف ههههههههههههههههه
غسلت الماعن كانو معرمين من لبارح هههههههههههه
صبنت الحويج تجمعو عليا بزاف وباقا لدابا كنصبن فيهم
قاديت الطبلة ووجدت فيها التمر
قاديت البيت اللي كنجلسو فيه
شنو طيبنا ماكلة :
عمرت بريوات بالفرماج
طيبت شوربة العدس
صافي غنمشي نعوم دابا شوية ومن بعد ان شاء الله نكمل الفطور
ملاحظة :
انا عايشة في الامارات فالفرق بيننا وبين المغرب 4 الساعات
كل وحدة ماتنساش تكتب لينا ملاحظة باش نعرفو شحال الفرق بيناتنا
.لكن كل الحب
.