السلام عليكم و رحمة الله تعالى و بركاته
انا محتاجة لمن يجيبني عن تساؤلي هذا جزاكم الله خيرا:
اكبر مشكل عندي مع زوجي هو عائلته من نهار تزوجت وانا كنمشي عندهم و عند اي واحد من عائلته قريب و بعيد لكن هو يطلب مني الحد من زيارتي لأهلي و تكون الزيارة مرة في الاسبوع مع العلم انه بيني و بينهم شارع فقط و ماكانمشي عند حد ما كيجي عندي حد, و الكارثة الكبرى هي ملي سمع كلام اخته عمراتو و جا كيعاير فماما و قال عليها ماكاتسواش و تخاصمنا ثم تصالحنا لكن بقات العلاقة متوترة لأن ماما ما كاتجيش عندي لداري و عائلته تعاملو مع ماما بشكل سيء جدا فقررت ان لا اذهب مجددا عندهم مما لم يعجب زوجي فطلقني قبل اسبوع شفويا.من بعد هادشي جيت لدارنا انا وولدي لانني ما ناوياش نرجع ليه مهما حصل لأنه بغا يمنعني من عائلتي و نبقا انا نمشي غي عند دارهم و نشقا عليهم لدرجة توفيت جدتي (مرات جدي) و اكتفى بتعزية والدي من باب الدار فقط ملي دويت معاه قالي ايوا صافي هاديك غي مرت جدك…دابا إلى جا يطلب مني الرجوع و امتنعت, تصبح القضية تطليقا للشقاق بغيت نعرف شناهما الحقوق التي استحقها بعد التطليق للشقاق؟
استسمح للإطالة و اتمنى إفادتي و شكرا
hsjahvm fow,w hg’ghr
شكرا لك اختي جزيل الشكر على اهتمامك و ردك,ايوا الله يدير اللي فيه الخير لي و لجميع المسلمات
شكرا لك اختي جزيل الشكر على اهتمامك و ردك,ايوا الله يدير اللي فيه الخير لي و لجميع المسلمات
نتي ديري قدية أولا إلى جا بغا يرجعك عطيه شروطك قدام عائلتو وعائلتك وافق تبارك الله مابغاش عاد كملي إجراآت الطلاق لأنه مكاينش لاش تمشيو للطلاق مباشرة غير علىقبل داك الوليد
بالنسبة لسؤالك للمستحقات انا أختي والله متانعرف شي حاجة فداكشي والله يفرج عليك حبيبة
اختي الله يدير ليك شي تويل تالخير
وانا شخصيا ما تنصحكش بالطلاق لانك عندك معاه وليد مع ان زوجك ماعرفش يتصرف وهو تالف ما بين عائلتو ونتي
خوذيه باللين وان شاء الله يتصلح حالو وما تفارقيش الولد على باباه
والا صبرتي على ولدك ان شاء الله ربي يخلف ليك خير كثيييررويبارك ليك فيه
ومع ذلك تنوصيك تصلي حبيبتي صلاة الاستخارة والخير فيما اختاره الله
المهم أختي انصحك ان لا تفكري في الطلاق كحل نهائي. مهما تضخمت الأمور بينك و بين زوجك، لازم شوفي كذلك محاسن زوجك. فهو على كل حال إنسان قابل للنقاش والتحاور، عندو قلب يضمك و يضم فلدة كبده. ما تهدميش حيبتي بيتك من اجل الاهل و كلام من هنا وهناك. راه منين تطلقي على ودهم غادي يفرحو بيك في الاول، و مع مرور الايام غادي الامور تبدل و تولي تشكلي ثقل عليهم انت و طفلك. فكري مزيان في حلول اخرى تبت غرسك ماشي تشتتو. الله يكون معاك وياخد بيديك ويحنن قلب زوجك و يبعد عليك شرالخلق