كيفكم ابنات اناقة ان شاء الله تكونو بيخير كيقولو الحكماء الحاجة ام الاختراع وانا هاد الايام الي جاية ان شاء الله معروضة لواحد العرس وما عنديش صاك ديال الحضور وكيف نتوما عارفين الصاك والصندالة ديالو كيطيحو ب 500 درهم واكثر انا نخمم مع راسي علاش الي ما نصوبش شي صاك على دوقي وعلى حساب التكشيطة الي غادي نلبس وانا نخمم مع راسي وبديت كنفصل ونخيط ونبحث حتا وصلت لهاد النتيجة الي عجباتني يوماين انا وراجلي خدامين فيه الله يخليه ليا حتا هو عزيز عليه التخربيق قاليك اللهم نعاونك ولا نخلص الي زيالة ديال الفلوس على والو
سمحو ليا البنات ما صورتش المراحل حيت ما عرفتش كيفاش غادي تكون النتيجة المهم الي بغات نسول على شي حاجة انا موجودة نوريها الي بغات ندوزو للصور
المواد كلها شريتها من السوق وباثمنة رخيصة بزاف بحال والغشاء الي لداخل ديال واحد الصاك شريتو من الجوطية غير بدرهم واحد وما تصوروش شحال استمتعت وانا خدامة كنصوب فيها كنتمنى يعجبكم
h[d, ja,t, hgph];m ,ha w,fhj
فكرتي في فكره و طبقتيها بطريقه غزاله
احلي تقييم ليك و الله يخلي ليك مول الدار
تبارك الله عليك اختي
تبارك الله عليك اختي والله يعطيك الصحة