اجراءات الطلاق عاجل من فضلكم

السلام عليكم ورحمة الله وبركاته

بغيت نسول على ط§ط¬ط±ط§ط،ط§طھ ط§ظ„ط·ظ„ط§ظ‚ لي تحفظ للمراة حقوقها
واحد السيدة من العائلة بغات تتطلق وهيا مصرة عليها وحتى عائلتها وحتى الراجل
وجا عند باها وقال ليه غنديرو طلاق الاتفاق باش نرتاحو وبلا صداع وووو المهم قنعو بلي طلاق الاتفاق فصالح بنتو ولان باها مكانش عارف وافق واتفقو نهار الاتنين يمشيو عند القاضي
ومن حسن الصدف او من سوءها حنت مابقيت فاهمة والو تلاقاو كاتبة في المحكمة وقالت ليه وياكم تديروها راكم غتضيعو حقوق بنتكم خصوصا عندها جوج وليدات
وقالت ليهم متمشيوش وتانا خاصمت عليها وقلت ليها متمشي معاه فين خليه يدير ط§ط¬ط±ط§ط،ط§طھ ط§ظ„ط·ظ„ط§ظ‚ بوحدو وملي تجيك الاستدعاء سيري وقولي للقاضي مابغتش طلاق باش تضمني حقوقك

صافي واقتنعت ولكن لبارح عاودت قالت ليا ان هاديك كاتبة المحكمة جات قالت ليها سيري معاه ودخلي عندي نكتب ليكم محضر وشي هضرة اخرة متفهماتش ليا وخاطري مهنانيش بصراحة المهم قنعاتنها السيدة باش تمشي مع الراجل وتوهمو انها موافقة وملي تدخل عند القاضي تقلب عليه وتقول ليه ممواقفاش
انا مقتنعتش بهاد الشي وملقيتش شي طريقة نقنعها بيها برأيي بانت ليا المراة كلات دماغهم
وقالت ليهم بانه ممكن يمشي لمدينة اخرى لمحكمة الاسرة ويرفع دعوة وتما كاين قاضي تيعرفهم وغادي يضعوها فحقها ووو
علما انها مخدامة ومعندها تا مدخول يعاونها على ولادها

دابا عفاكم الا وروني اش نقوليها
وواش هاد الشي غتدير فصالحها
وواش ممكن انه يمشي لمحكمة فمدينة اخرى علما ان مدينتهم تابعة لعمالة المدينة الاخرى
وواش الا دارت ليه تنازل على النفقة مقابل يتنازل على لولاد معندوش الحق نهائيا يبقى يسول فيهم او يشوفهم
وواش تقدر تمنعو من انه يخرج لولاد برا المغرب علما ان واحد منهم مزيود برا وهو خدا الباس بور ديالو عنوة
واش تقول للقاضي باش يعطيها حقوقها ومتضعيش

---

h[vhxhj hg’ghr uh[g lk tqg;l

أختي الله ييسر أمرها.
في نظري ماتنازلش لا على حقوقها ولا على حقوق ولادها. و كنظن أن الحضانة دائما تتكون لصالح الأم.
متنازلش ليه على النفقة مقابل يتنازل على الأولاد لأنه يقدر الأولاد ملي يكبرو يقولو ليها حرمتينا من الأب ديالنا. و حتى هو تقدر تدوز مدة و يرجع يقول ليها خاصني نشوف أولادي.
ومن الناحية القانونية نتمنى تدخل الأخت منار و تفيدك.
وفي حالة الطلاق الأولاد هما اللي كيضيعو وسط الوالدين. و الله يجعل لها من كل ضيق مخرجا.

السلام عليكم ورحمة الله
أول حاجة دعوى الطلاق حسب مدونة الأسرة تقام أمام المحكمة التابع لها إما مكان بيت الزوجية أو مكان إقامة الزوجة أومكان إبرام العقد بالترتيب ولا يجوز رفعها أمام محكمة أخرى دون هذه المحاكم المذكورة
ثاني حاجة را الطلاق الاتفاقي يمكن للزوجين أن يضمناه كل شروطهما والتي وافقا عليها معا ، سمي اتفاقيا لأنه مبني على الاتفاق ولا يحق لأي طرف أن يجبر الآخر على التنازل عن أحد حقوقه
ثالث حاجة را حتى لو أن الزوجة هي التي سترفع دعوى الطلاق حقوقها تبقى محفوظة طالما هي لم تتنازل عنها، فحسب مدونة الأسرة للزوجة حق رفع دعوى الطلاق للشقاق ولها الحق في النفقة وحضانة الأطفال بل الأكثر من ذلك يمكن أن يحكم لها القاضي بالتعويض إذا رأى أنها الطرف المتضرر

السلام عليكم ورحمة الله وبركاته

الاخت بغيت نقول ليها راه الحضانة تترجع الأم ديالهم مباشرة الى مزال موصولش 15 عام

نصيحة لله : متنازليش على النفقة هي اصلا ليست من حقك بل هي من حق الأولاد

ومت ترفيعش نتي دعوى للتطليق للشقاق راه تمشي ليك نفقة المتعة ديالك، هذشي لكلت ليك راه صحيح

راه من حقك تدكلاري بأن طليقك خذا الجواز السفر ديال الابن ديالك، باش ميحرموش من الحقوق ديالو.

إياك ثم إياك من طلاق الاتفاق كيف قالت لكم الكاتبة لأنها غاتخسر حقوقها و حقوق اولادها
ما دام الرجل باغي يطلق خليه بالشقاق أو باش بغى و الحضانو غاتبقى للأم مادام الدراري صغار يعني ماتسمحش فالنفقة

بالنسبة للأخت للي كتقول الزوجة كتفقد حقها فالمتعة فالتطليق للشقاق راك غالطة، فهاد النوع من الطلاق كتحافظ على كل مستحقاتها ما لم تتنازل صراحة عن ذلك
رجعي للمادة 97 من مدونة الأسرة وهاد المادة بدورها كتحيل على المواد 83 و84و85 من نفس المدونة
المادة 97:
في حالة تعذر الإصلاح واستمرار الشقاق، تثبت المحكمة ذلك في محضر، وتحكم بالتطليق وبالمستحقات طبقا للمواد 83 و84 و85 أعلاه، مراعية مسؤولية كل من الزوجين عن سبب الفراق في تقدير ما يمكن أن تحكم به على المسؤول لفائدة الزوج الآخر.
يفصل في دعوى الشقاق في أجل لا يتجاوز ستة أشهر من تاريخ تقديم الطلب.
المواد 83و 84 و85:
المادة 83 :
إذا تعذر الإصلاح بين الزوجين، حددت المحكمة مبلغا يودعه الزوج بكتابة الضبط بالمحكمة داخل أجل أقصاه ثلاثون يوما لأداء مستحقات الزوجة والأطفال الملزم بالإنفاق عليهم المنصوص عليها في المادتين المواليتين.

المادة 84 :
تشمل مستحقات الزوجـة : الصداق المؤخر إن وجد، ونفقة العدة، والمتعة التي يراعى في تقديرها فترة الزواج والوضعية المالية للزوج، وأسباب الطلاق، ومدى تعسف الزوج في توقيعه.
تسكن الزوجة خلال العدة في بيت الزوجية، أو للضرورة في مسكن ملائم لها وللوضعية المادية للزوج، وإذا تعذر ذلك حددت المحكمة تكاليف السكن في مبلغ يودع كذلك ضمن المستحقات بكتابة ضبط المحكمة.

المادة 85 :
تحدد مستحقات الأطفال الملزم بنفقتهم طبقا للمادتين 168 و190 بعده، مع مراعاة الوضعية المعيشية والتعليمية التي كانوا عليها قبل الطلاق.

اختي راه سمي طلاق الاتفاق لأنه يوقع بالتفاق بين الزوجين بحيث يحق لكلا الطرفين وضع شروطه ويتفقان عليها، فإذا لم تتنازل الزوجة عن أي من حقوقها في هذا النوع من الطلاق فلن تخسر شيئا
المادة 114 من مدونة الأسرة :
يمكن للزوجين أن يتفقا على مبدإ إنهاء العلاقة الزوجية دون شروط، أو بشروط لا تتنافى مع أحكام هذه المدونة، ولا تضر بمصالح الأطفال.
عند وقوع هذا الاتفاق، يقدم الطرفان أو أحدهما طلب التطليق للمحكمة مرفقا به للإذن بتوثيقه.
تحاول المحكمة الإصلاح بينهما ما أمكن، فإذا تعذر الإصلاح، أذنت بالإشهاد على الطلاق وتوثيقه.

فمنبقاوش غير كنعاودو الهدرة للي كنسمعو بدون سند قانوني لأن موضوع الطلاق راه محكوم بقوانين

جزاكم الله خيرا يا اخواتي على التجاوب والاجابة
الله يفرح قلوبكم ويبعد عليكم الهم والمشاكل
انا راه قلت ليها ونصحتها باش متتنازلش ومتمشيش معاه غير الكاتبة لي رجعات قالت ليها سيري معاه وخلعاتها
النقطة تاع التبليغ باخد جواز السفر كانت غايبة عليا دابا نقوليها تديرها وعاد هيا خايفة منو تتقول انه يمكن يرسل شي حد يتعدى على الاب ديالها لانه عيان وكبر مبقات عندو صحة
هاد الشي لاش هي ولات باغة غير السلاكة
غادي نقول ليها تدير بلاغ بعدم التعدي واش ممكن ياخدو بأقوالها واخة معندها ادلة؟؟؟
الاطفال باقين صغار الكبير يالله عندو 3 سنين
والزوج مستحيل يتنازل عليهم لانه متعلق بيهم بزااااف خصوصا لكبير وكل مرة يجي ياخدو لعند عائلتو يضل معاهم انا نصحتها متبقاش تعطيه ليه خصوصا ملي دا جواز السفر

دابا باش تنصحوني واش تمشي معاه للمحكمة او تخلي تا تجيها الدعوة

السلام عليكم ورحمة الله

اختي نصحي صحبتك ما تعمل معاه اتفاق ولا شي حاجة
تربية الولاد صعيبة ومصاريفهم كثيرة وغير خمسين درهم زايدة فيها علاش تخليها له
ماتمشي لا ترفع دعوة ولا شيء تبقى في دارهم وتسنى الاستدعاء راه يجيبوها ليها حتى الدار وعاد تمشي عند القاضي وتقول له مبغاش نطلق ونشتت ولادي ولو هيا باغة تفكر لولادها
كذلك تمشي ديكلاري بيه انه خدى ليها جواز السفر تاع ولدو
+ متبقاش تعطي ولدها ليه واخة يجي بغي يشوفو تخلي عندها الشجاعة شوية ولدارها ربي هيا لكاينة ايلا خداه وهرب بيه علا برى وهو باقي مطلق
اما لو طلق راه نتي تمشي ديكلاري باش ولدك ميخرجش من المغرب الا وانتي موافقة الاحسن تمشي معاها عند محامي يشرح ليها
وهاد الخوف لعندها يعمل شي حاجة باها لانه كبير بالسن مكاين والوووو منها
غير لتنصحيها بيه تشد ولادها عندها ومتخرجش من بيت باها وتحظي ولادها لتندم من بعد.. وكذلك الطلاق متعملش معاه تراضي تخبر القاضي لا معندي فين ندي ولادي ونشتتهم ومعندي لا دار ولا خدمة باش نهزهم
وايلا عندها الوراق باش خدام وشحال الراتب تاعو تعطيهم لقاضي باش ايلا حكم في موضوع الطلاق تكون النفقة اعلى تاع الاطفال
تحياتي