ابحث عن سيدة تعطيني دروس في كول التريكو بالمقابل

في هاد الرسم كاين الكول وحتى الكم
حنا بغينا غير الكول اذا ركزي معايا على تقويرة الكول
مع العلم
ان كل مربع اعتبريه غرزة
واعتبري كذلك كل المربعات الافقية سطورة
غدي تلاحظي مربعات صغار ومربعات كبار
كل 10 مربعات افقية وعمودية كتكون مربع كبير
وهدا كيسهل عليك الحساب
وهنا كذلك عندنا رسم للكول من القدام( الصدر ) ومن الخلف ( الظهر )
وراهم مجموعين بجوج باش يكون القياس ديال الكتف بحال بحال
هاد الرسم اللي تحت غدي يوضح لك الكول على القطعة ديال الظهر من بعد ما محيت رسم قطعة الصدر

وهاد الرسم غدي يوضح لك قطعة الصدر والكول ديالها وراني قسرتو باش يسهال عليك تطبيق حدف الغرز

ملحوظة الرسم كيوضح غير نص تريكو
اذا يا اختي فتيحة خنا غدي نضربو العدد في 2
اذا غدي نبداو
بالنسبة للظهر
حسبي الغرز الوسطى 36 غرزة طيحهم
غدي تتقسم لك قطعة الظهر الى 2 طروفة
كل طرف عملي ليه قطبان ديالو
جمدي واحد منهم بمعنى غدي تخدمي طرف بطرف
غدي يخصك تطيخي من جهة الوسط في كل طرف من هنا ومن هناك
1) طيحي 3 غرز
كملي السطر ورجعي خدمي الغرز كما هما
2 هانت من جهة الوسط دائما طيحي 2 الغرز وكملي السطر ورجعي به
من جحهة الوسط دائما طيحي 1غرزة وحدة زسيري وجي
من جهة الوسط مرة اخرى طيحي غرزة
ومن بعد هاد التطياح غدي تخدمي 4 السطور موراهم وتقفلي الكتف
سيري للقطعة الاخرى المنتظرة
عملي نفس الشي من جهة الوسط وبنفس الطريقة

انجوا الان للقطعة الصدر
انت عندك 2 طروفة مفارقين
تريكو مفتوح
والطرف اللي فوق امامي ديال الليسر
غدي تطيحي فيه 13 غرزة وكملي السطر ورجعي
عاودي طيحي 4 غرز وكملي السطر ورجعي
عاودي طيحي 2 غرز كملي السطر ورجعي
عاودي طيحي 2 غرز اخرى كملي السطر ورجعي
عاودي طيحي غرزة وحدة كملي السطر ورجعي
عاودي طيحي غرزة وحدة كملي السطر وخدمي 3 سطور اخرى
عاد تعاودي تطيحي غرزة وحدة
ثم خدمي 4 السطور اخرى عاد طيحي غرزة اخرى
من بعدها غدي تخدمي 8 السطور و تقفلي الكتف

سيري القطعة الاخرى عملي نفس الشي عليها وها نت عندك الكول