أعتدار للاخت الشاكرة

بسم الله الرحمن الرحيم
أختي ط§ظ„ط´ط§ظƒط±ط© رنا بقيت مشوشة عليك أختي حيت مردتيش عليا معرفة واش قريتي رد ديالي ولا لا هدى علاش بغيت نحل هاد صفحة لك باش تشوفيها…..

بسم الله الرحمن الرحيم
حبيبة ط§ظ„ط´ط§ظƒط±ط© لله يرزقك أختي صبر من جهة لوليد ديالك والاخ ديالك ختي سامحني رنا مقرتش مني كتبتها راه حتى بانو لي لبنات كيعزيوك مني رجعت كنقر عاد عرفتها حيت مبقيتش كندخل بزاف ومني كندخل كنلقى صفحات بزاف مكانعرف مني نبدا ومكنقراش هدكشي لداز الله يرزقك أختي صبر والله يجعل متواهما الجنة الله يرحمهم ويجمعك بيهم في جنات الخلد اللهم أمين أختي كنكرر الأسف ديالي على الوفاة ديالهم وكنعتدر منك على تاخير ديالي ولكن صدقيني راه غير ماشفتش مني كتبتي رنا كنت مني كندخل كنسول فيك والله يشافي ماماك ولله يخليها لك ويرزقها الصبر أن شاء الله وبلا مانحتاج نقلك راكي عرفا بلي ديما كنبغي نكون أول وحدة توقف في جنبك ورانا حشمانا من راسي ومعرفة منقلك كنتمنى تصدقني
الله يديك على خير أختي تقبل الله حجتك وبارك لك في التوبة وثبتك على الطاعة

اللهم تقبل منها حجتها وثبتها على الطاعة وأعنها على شياطين الإنس والجن

---

Huj]hv gghoj hgah;vm

البقاء لله والله يرحمهم وتكون الجنة متواهم ويرزقكم الصبر على فراقهم والحمد لله على قدر الله

اختي الحبيبة لبنى يااطيب قلب واحن فؤاد كيفاش اختي انا يطيرلي منك
وانا عمري مننسى الحب والاهتمام ديالك بي وبجميع الاخوات
انا كانت امي مريضة ولم يكن عندي وقت للكتابة حيت كنرجع لدار في وقت متاخر وربي الي عالم بحالي
لكن الان الحمد لله السكر نزل ويقارب العادي
اما وفاة ابي واخي شحال هدي باش ماتو وهد الوفاة هي كانت سبب في مرض امي الحبيبة
انا كنحس بالحب والحنان ديالك وانت عندي في قلبي
اختي الحبيبة الحياة مشي غير الدراري واش غنتداربو مع اقدارنا
اش هد النفسية المحبطة الي رجعتلك ياك يا الحبيبة وانت مولات العقل والتبات
انا بغيت نقترح عليك وحد الاقتراح احتي سيري تسجلي في مدرسة الابتكاروالتصميم colege la salle de modelisme et stylisme
وتخصصي في اللباس التقليدي البلدي وهنتي تولي المصممة العالمية لبنى حياتك كلها غتبدل
وخلي الاولاد في يد الله انت ديري الاسباب وعيشي حياتك واتقي الله في زوجك راه موحال واش ندخلو الجنة حيت كندلموهم
اختي ربما احنا في نعمة ولم نحس بها يمكن هد الدراري الي احنا موقفين حياتنا وسعادتنا عليهم غيلوحونا نالشارع الله يلطف
فكري مزيان ياالحبيبة وزيدي لقدام وشوفي الفضائل الي عطاك الله وحرم منها الاخرين
انا يااختي ملي كنت غندير اطفال الانابيب كنت كنستعمل المنشطات الهرمونية وبقيت كنبحث على الاعراض الجانبية لهده الادوية
ولقيت بانها تنشط الخلايا السرطانية ولقيت وحد النسبة عالية النساء الي تصابو بالسرطان بسبب هدالادوية الي التمن ديالها باهض
والله مبقيت كننعس ولا كناكل فقدت شي 8كيلو كنقول ياربي يسترني من المرض انا مابغيتش الدراري انا غنخرج على حياتي وصحتي
وحتى ادا جاو هد الدراري غنكون انتهيت وفي الاخير حمدت الله ملي دازت علي المحنة بخير وفوضت امري لخالقي هو الفاعل المختار
وهو القائل جل جلاله ولاتلقوا بايديكم الى التهلكة
سمحيلي على هد الكلام الكتير حيت انا سبقتكم الى هد العالم الي عنده بابان
الباب الاول كوني قوية في كل شي امام الزوج والعائلة وكلام الناس والدكاترة ووووووووولتعيشي كما تحبين
الباب التاني ان تكوني ضعيفة ومنهارة وسلبية والكل يتطاول غليك ويتدخل في تقرير مصيرك ووووو لتعيشي كما يحب الاخر
احنا لازم نقوي بعضنا ونديرو يدنا في يد بعضنا والله غيوفقنا برحمته الواسعة
الحديت معاك شيق وباقي بزاف مينقال ولكن حصني نتوقف ولي معك حديث اخر
وجاوبني على اقتراحي
احبك في الله

البركة في راسك اختي الشاكرة حتى انا مفرسيش سمحيلي
الله يرزقكم الصبر، وخا دازت دة على الوفاة ولكن اختي راه الحزن تبقى
الله يشافي الوالدة ياربي
تبارك الله عليك اختي الشاكرة كلامك حكم ، عرفتي حتى انا اسمعت بان المنشطات كلها تدير امراض سرطانية ومتيقتش
مرت خالي في الدار البيضا وتتعود ليها صاحبتها، تعطلات مسكينة في الحمل و طبيب اعطاها منشطات مع المدة ولدات مسكينة وشحال فرحات، بعدها بمدة قصيرة اكتشفت ان عندها المرض الخايب الله ينجينا وينجيكم، مسكينة تتبكي وتتعاود قالت بغيت لولاد هاهما وهنا غدا نمشي وشكون يربيهم
الله يلطف بينا كاع درنا المنشطاات
نيادة والشااكرة اسال الله العظيم رب العرش العطيم ان يرزقكما الذرية الصالحة يارب العالمين
الصبر وقوة الايمان وكترة الدعاء وربي مغديش يتخلى علينا

الله يجازيك بالف خير يا الحبيبة
ويجعلنا جميعا من اهل الجنة
احبك في الله

السلام عليكم ورحمة الله وبركاته
سمحيلي اولا نعزيك الله يرحمهم و يجعل مثواهم الجنة
الحمد لله على التحسن الصحي ديال الوالدة الله يخليها ليك
اختي انا صراحة اول مرة غدي نتعرف عليك و من خلال هاد الرد لمست شخصية رائعة طيبة مؤمنة والله حتى دخلتي لقلبي بكلماتك الحنونة
تقبلي احترامي اختي

اختي الحبيبة دليلة الله يتبت حملك وفرحك ربي باحفادك ويطيل في عمر والديك
وتهلاي يا الحبيبة فيهم ربي يمتعك في رضاهم والله ماكاين بحال الوالدين
انا كانت علاقتي بابي جد جد متميزة كان ابي وصديقي وحبيبي وسندي في الحياة بعد ربي
وفجاة اختفى من حياتي بدون اي اشارة وهو بصحة وعافية مات وهو يصلي وقت الفجر
والله يا الحبيبة كنت ماش نحماق ومن كثرة الحزن خرجو لي الشيب في راسي
الله يحفظ ليك والديك ويزيدهم صحة وعافية وبهاء
اختي فعلا المنشطات الهرمونية خطيرة بالحق ماعندنا مانديرو هما الي كيحسنو التبويض
انا ملي كنت كنستعملهم كنت كنقرا القران على اي ابرة او فنيدة غنشربها
والحمد لله راه ربي الي عالم بحالنا احنا كنديرو الي بالامكان ديالنا والباقي في يد ربنا
حتى انا كنعرف واحد الاخت باقة صغيرة وبرجوازية دارت عملية اطفال الانابيب fiv اربع مرات
ولم تنجح ومن كثرة المنشطات وقع لها تكثلات وتورمات في الثدي واظطرت الى العملية لازالة التكتلات
وبعد تحاليل هده الاورمة شي 14 ورم وجد واحد خبيث يعيش بينهم
والان تتعالج بالشيميو من داء السرطان الله يشافيها ويعافيها ويعافينا جميعا ويمتعنا بابصارنا واسماعنا وصحتنا
اختي الحبيبة دعي معايا كل ما تفكرتيني وانا عند وعدي غندعي معاك في الحرم ومع الصغيرالدي في احشائك ومع الوالدين ومع مول الدار
شفتي انا منسيتكش ومنسيتش الي طلبت مني
احبك في الله

amin akhti 3la slamt mamak lah i7fadha lik fi3lan lwa7d maki3raf lkhair fin kain

البركة فراسك و الله يرحمهم يارب ويجعل مثواهم الجنة و الله يثبت حملك اااامييييييييييين و يشفي الواليدة ديالك
حج مبرور انشاء الله

الحبيبة الشاكرة ربي معك راني مافراسيش حتى قريت دبا الموضوع
اختي الحبيبة ماشاء الله عليك باينة من الردود ديالك انسانة عاقلة رزينة بحالك مايتخافش عليه انا تنقول لكل اخت متاخرة في الانجاب ان ربي معها وعالم بيها وهو عنده الحكمة في دالك واحد الاخت فالعاءلة هادي 12 سنة باش تزوجات ووالو ماخلات فين مشات وواش كلات والحمد لله ربي استجاب دعاءها بعد رجوعها هاد السنة من العمرة ربي فرحها بالحمل الله يثبته ليها ويرزقها طفلا سليما معافى يارب
اخواتي واياكن تستسلمو للحزن ولا الهضرة ديال الناس عيشو حياتكم كيف بغيتو جميلة سعيدة وتقربو لازواجكم وحيدو فكرة الاطفال اللي تتعيشكم فالحزن مع الازواج ديالكم وراه الحياة كتولي كلها مشاكل والسبب الاول الزوجة اييه حقا كيكون واحد الاحتياج للطفل والامومة راها عايشة معنا من صغرنا ولكن غير الصبر والرضا على المكتوب وعلى الله والتقرب من ربي سبحانه وتعالى كافي باش يملاء داك الفراغ وربي قادر يعطيكم وانا اكيدة انه تقريبا كلكم باقي غادي تحملو وتولدو غير الصبر
اختي الشاكرة دعي معايا ايلا مشيتي لداك المقام الطاهر امانة راني كتبت اسمي مع الاخوات
ماتنسايش تشربي ماء زمزم مزيان انت وزوجك ورشيه على داتك مزيان وحتى هو ودعي ربي واكيد غادي يستجاب لك