أشنو وجدت للمائدة الرمضانية

بحلول هذا الشهر الكريم كل البيوت تجتهذ في تحضيراتها لإستقباله في أحسن حال
بدأً بالتخمال الشامل للبيت ثم تحضير المسبق لبعض الشهيوات وهذاكله باش يبقى لينا الوقت الكافي للصلاة وقراءة القرآن والذكروصلة الأرحام٠
ونستمتع بحلاوة هذآلشهروأجوائه الإيمانية ونشد الهمة لننال العتق من النار٠
أعانني الله وإياكن لذلك٠

من بين ما ظˆط¬ط¯طھ لهذا الشهر المبارك:
*سيدة المائدة المغربية وهي الحريرة
أنا كنحضر قوامها وكنطيبها ولما تبرد كنقسمها في بلاستيكات وندخلها للفريكو
Photo019_New1.jpg
وفكل نهار كنجبد بلاستيكة نوضعها فالطنجرة ونضيف ليها الماء طايب ونشعل عليها البوطة ،لما تغلي كنضيف شوية الربيع مقطع وشوية السمن ومعلقة كبيرة مطيشة الحك وندورها بالشعرية والتدويرة ديالها ؛هذه الطريقة كتريحني وكتون عندي حريرة ديال نهارها؛وملي تقرب تسالي كنوجد مرميطا أخرى ودائما عندي حريرة حتى لشوال؛إذا بغيت حريرة كنجبد بلاستيكة نوجدها أونوجد صوبة أو شعير٠٠٠٠٠

*دابا ندوزو للمملحات
Photo021_New1.jpg

بريوات بالحوت والدجاج أوبيبي
كناخد الكروفيت ،كنشحرو في مقلة مع معلقة كبيرة زبدة وزيت العود
والربيع مقطع والثوم محكوك وشوية لهريسة +معلقة كبيرة موطارد+عصير حامضة+ملح +إبزار+كمون+طحميرة+خرقوم+سكنجبير+ومعلقة صوجا حتي ينشف٠
وناخد الدجاج مقطع أو لاداند ونعمل ليه نفس التشرمولة حتى ينضج وينشف٠
الشعرية الصينة من بعد من نغطسها في ماء ساخن نسقطها ونقطعها ونعمل معاها شوية تشرمولة ثم نخلطهم بثلاثة وكنحصل على الحشوة اللي كنعمر بيهم لبريوات
ممكن ييبو نصف طياب وعاد تجمديهم ؛أناكنقسمهم و كنجمدهم هكذاك وملي كنبغيهم من المجمد للزيت الساخن أو للفران حتى يسخنو ونذهنهم بالزبذة٠

*نذوزو للبيتزة حتى هي كنوجدها ممكن تعمريها وتحكي عليها الفرماج وتجمديها في بلاطو عاد تجمعيها فبواطات أو طيبيها عاد تجمديها وهكذا أنا عملت
Photo007_New2.jpg
وجدت العجين
500 غ دقيق+كأس صغير حليب+ملح+خميرة لخبز+زعترمحكوك+4معالق كبار زيت العود ونكمل بالما٠ندلكها ونخليها تخمر
نوجد لاصوص طومات
ب500غ مطيشة مقطعة و2معالق كبار مطيشة لحك+بصلة مشلظة+ملح إبزار+سكنجبير+طحميرة+خرقوم+زيت العود نخليها تشحر حتى تنشف ونضيف ليها زعتروورقة سيدنا موسى مهرمشين صغار
ناخذ العجينة نطلقها بالدلاكونتقبها ونقطعها دوائر ونطيبها نصف طياب عاد نوضع ليها لاصوص وقطع الطون والزيتون أسود وشنينيون مقطع ومشحر مع الزبذة وقطع الفلفة مشوية ونحك عليهم لفرماج ثم للفرن
من بعد ما يبردو نستفهم في بواطة وندخلهم للمجمد٠

*مسمن معمر بالكفتة
*الحشوة هي:
2بصلات مشلضين+فلفلة حمرة مقطعة صغيرة ووحدة خضرة نشحرهم مع الزيت ثم أضيف لكفتة والربيع مقطع وملح+سكنجبير+طحميرة+خرقوم+هريسة+كمون
ثم أضيف الزيتون مقطع والشعرية الصينية مقطعة
ونعمر بيهم لمسمن ولما يطيب في الفرن نخليه يبرد ونستفهم في بواطات وإلى المجمد
Photo022_New1.jpg

*الحشوة الثانية نفس الأولى غير في بلاصة لكفتة كنوضع الطون ونضيف معلقة الصوجا
*دابا لكرص:
Photo000_New2.jpg
1كغ دقيق+1/2لتر حليب+2بيضات+معلقة كبيرة نافع+2معالق زنجلان+1/4سنيدة+كأس زيت+1/2كأس ماء الزهر+1خميرة+2معالق كبار خميرة الخبزونكملوبالما،العجينةتدلك مزيان وخصها تكون مرخوفة شوية،نخليها تخمرعاد نكورها في اللاطة ونخليها تعاود تخمرونذهنا بأصفر البيض مخلط مع لخل
ولم يطيبو نوضعهم فبلاستيكاتونذخلوهم للمجمذ
ووجدت العجين المورق ووضعت في المجمد لحين الإستعمال
وللحديث بقية٠٠٠٠٠٠