السلام عليكم .. أرجو من مغتربات مصر ما يبخلوش بالرد ط®ط§طµط© للي ساكنات في ط·ظ†ط·ط§ أو عندهم شي قريب تيقه في ط·ظ†ط·ط§ .. تعرفت على واحد الأخت وحكات لي مشكلتها ودخلت لعندكم باش تشاركونا في الحلول والمساعده .. البنت هادي تعرف عليها مصري قال انه أرمل وطالبها للزواج قاليها انا منقدرش نجي للمغرب مللي ضغطات عليه قاليها واش بغيتي لي السجن سولتها واش عندو الجواز قالت لي قاليها معنديش هو راه في الخمسين من عمره .. تايخدم مفتش في المدرسه معرفتش واش اعداديه او ثانويه .. قاليها تعالي نتي ونتزوجو في مصر هي والديها متوفيين بجوج الله يرحمهم وماقالتها لتاواحد من دارهم يعني باغه تمشي بلا خبار حد لانها كاتقول الى قالتها لخوتها يمانعوها تمشي وهي كبرات في السن وباغا تتزوج .. المهم قلت ليها واش رسل ليك شي فلوس قالت لي والو قلت ليها واش هو يخلص عليك الطياره قالت لا انا نخلصها قلت لها حطي شي شرط في العقد قالت لي لا مايبغيش راه حتى المهر قالي منعطيهش ليك وبلاصة المهر نكتب حجه الى بيت الله الحرام قاليها حنا تايكتبو في المهر غير شي حاجه رمزيه .. هو الحاجه الوحيده للي غادي يديرها هي يصايب ليها الزياره لعندو قاليها راه غادي ندفع فيها الفلوس .. قلت لها قولي ليه يرسل ليك الفلوس قال قاليها حتى تجي عندي .. دابا البنت باغا تسول عليه حينت عندها العنوان ديالو فين تايسكن وراني تانحاول معاها ماتمشيش بوحدها وأكيد الردود ديالكم غادي توريها بزاف الحوايج وللي ساكنه في ط·ظ†ط·ط§ أو قريبه منها أو كاعترف شي حد تماك تيقه ممكن تقدم للاخت يد المساعده الله يجازيكم بخير راها قررات تمشي في شهر سبعه الله يصاوب ليها وللجميع
lyjvfhhhj lwv ohwm hgg,hjd td ‘k’h v[hx h]ogk h]og,
ختي نطلب من الله يصوب لها هادشي بان ليا غريب يا ريت تتأكد منو أكتر يا ريت بنات إسعدوك والله يجازيك بالخير على مساعدتك لهد انسانة وغيرتك عليها الله يحميها .
اللهم أمين ياربي راني قلت ليها ماتمشيش اختي ولكن الله أعلم بظروفها تاحد مكره الخير.. الى مشات لعندو وتهلا فيها راه ماشي مشكيل في للي فات ياربي ياختي تدخل شي بنت من طنطا تعاونا ياربي والله راه قلبي خايف من جيهتها الله يصاوب ليها لهلا يحرم شي حد من واليديه
لا إله إلا الله محمد رسول الله
لا إله إلا الله محمد رسول الله
سبحان الله كاتقراو الموضوع وخليو شي دعوه ولا شي نصيحه الله يرحم بيها الوالدين
اختي اشمن فلوس غيخلص على الضيافة اللي غيعملها وعاد ماشة بلا خبر عائلتها انا منصحهاش تغامر للاسف يلا كانت بللقاهرة كنت اكيد نفيدها وحاجة اخرى شنو دخل سفره بالحبس وعلاش غيتحبس فردي بالك مزيان مع صاحبتك ونصحيها لانه القصة كلها غريبة
شكرا أختي على الرد راه هادشي علاش بغات تسول عليه الله يجيب شي وحده تعاونها
اختي الله يسهل على صاحبتك ويعطيها اللي فيه الخير انا كنصحها متمشيش للان باين هادشي من الاول ديالو وعلاش هو مبغاش يجي وعلاش غادي يدخل الحبس الى جا وعلاش مبغاش يصيفط ليها الفلوس كلها مسائل كدخل الشك واكبر من هذا انها بغات تمشي بلا ماتخبر دارهوم راه حسن ليها تجلس فدارهم وهي ممزوجاش وخا تكبر في السن حسن ماتمشي تلوح راسها وتكرفس الله يدير ليها شي مسلك ديال الخير وقولي ليها تصلي صلاة الاستخارة واكيد الله غالدي يعطيها غير اللي فيه الخير ويبعد عليها لفيه الشر
شكرا أختي بارك الله فيك الله يرزقنا وإياك الفردوس الأعلى راه أي نصيحه كانوصلها ليها الله يحفظها ياسيدي ياربي