السلام عليكم حبيباتي الانيقات,توحشتكم شحال هدي محتيتش حتى موضوع,ليوم جيت اجبت معايا وحد السلطة كنتمنى تعجبكم ازوينات,على بركة الله نبداو:
هاهي كيف كتجي:
لمهم غنحتاجو:خيزو مقطع صغير مسلوق-بطاطا مقطعة كذلك مربعات صغار مسلوقة -جلبانة مسلوقة -لوبية مقطعة مربمات مسلوقة -باربا حتى هي مربعات صغار مسلوقة بالنسبة لي كنسلق كل حاجة بوحدها,غنتاجو مزال الروز مسلوق -خيار مقطع دواور شوية الذرة الا كانت عندك الا مكيناش ممكن تستغناي عليها بواطة ديال الطون واحد بصلة مشلظة رقيقة واحد 4حتى5 ثومات محكوكات على حسب كمية الخضار الكامون الملح الابزار الخل ثم المايونيز
ناخدو الروز نخلطو معاه الطون والذرة شوية الكمون الابزار الزيت البلدية المايونيز واحد معلقة اونخلطو مزيان نديروه في جبانة اونوضعوه وسط الطبسيل
ناخدو باقي العناصر نضيفو لكل وحدة على حدة توابل دياولها منالزيت البلدية معلقة لكل عنصر معلقة المايونيز كذلك لكل عنصر الكامون الملح الخل معلقة صغيرة لكل حاجة شوية البزارشوية البصلة مشلظة شوية الثوم شوية الربيع تقريبا نصف ملعة صغيرة لكل حاجة اونبداو نخلطو مزيان حتى تندمج العناصر مع بعضها اونبداو نزوقو كل واحدة اوحداكتها اوطريقتها في الابداع,في الاخير ناخدو الخيار نزيدو عليه شوية المايونيز اونزينو بيه جناب ديال الطبسيل اولوسط ما بين الروز والخضروات اومنساوش شي زويتينات كحلين.
بالصحة و الراحة كنتمنى تجربوها اوتردو علي صراحة انا نهار دقتها عند ختي حمقاتني او وليت كنصوبها حينت اصلا هاد الوصفة ديال ختي حبوبتي لهلا اخطيها علي او حتى نتوما حبيباتي,في انتظار تفاعلكم دمتم في امان الله وحفظه.
salade jardinier