السلام عليكم و رحمة الله تعالى و بركاته……………… بدون اطالة عليكم…….
واحد طلع لطوبيس شرا جوج ورقات.. قال ليه للي كيقطع علاش شريتي جوج… قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس
كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس
هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش
قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت
واحد دخل للقهوة وقال للنادل: عندك قهوة باردة؟ يقولو: لا , زاد جاه غدا وقالو كيما المرة اللولة ورد عليه : لا, وعاد كل يوم يقولو: عندك قهوة باردة؟ واحد النهار قال النادل: والله تا نوجّدلو قهوة باردة قبل ما يجي, ومن بعد ساعة جا الزبون وقال: عندك قهوة باردة؟ قالو: نعم, قال: سخّنها وجيبها لي
هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك
ياباني خرج من الامتحان يبكي قالولو علاش كتبكي قالهم : مامتأكدش من واحد الجواب . . . مغربي خرج من الامتحان كيضحك قالولو علاش كتضحك قالهم : ما فهمت والو
واحد مبوق قاعد قدام التلفزة وكيضحك
nokat hhhhhhhh
