ana wladt wilada tabi3ya lakin dart lghrazi 15 yom lyom thyad li lkhit w khraj li chwiya dam wrah kidaroni bzaf w brit nsawlkom 3la nfas chhal khasni nrtah w chnahoma achral li khasni ntjnabhom hit mazal tanhas bl 3ya w tanhas b lbroda f rajliya britkom tnshoni aktar w haja khra ani tan3rag bzaf hadchi taykhawf
mohtaja ila mosa3ada dam wdaba dam
اكنصحك اختي من تجربتي الخاصة والنصائح اللي كيعطيونا هنا فكندا هو انك متحمليش اي شيء ثقيل لمدة 3اسابيع ومتحنايش مللي طيح ليك شي حاجة تجبديها لالا راه مضر بزاف للغراز والرحم لهدا اختي كملي رتاحي ليك 40 يوم افضل حتى ترجعي صحتك اكيقولو لنا باننا خاصنا نهتمو براحتنا وراحة البيبي اوى الله يكمل نفاسك على خير الحبيبة ديالي في امان الله
مبروك عليك المولود الجديد اختي و الله يحفظه و يرعاه و ان شاء الله يكبر و تفرحي فيه
اما بالنسبة اختي للنفاس , فأظن خاصك ترتاحي مع راسك و نساي الهم و الشقاء و الغسيل و المسيح , دابا غير ارتاحي مع راسك و قابلي وليدك او بنتك و تهلاي في راسك وماتتعرايش بزاف او تاخدي شي حمام بارد , حداري اختي تهزي شي تقل او تعملي شي اعمال شاقة راه والدتك مازال خضرة و خاصك ترتاحي مزيان حتى تسترجعي كل قواك الجسدية, و الشقا راه ماغاديش يهرب , الصحة الى مشات ماتترجعش.
اتمنى اختي تقومين بالسلامة و الله يجعل المولود الجديد من الصالحين
الحمد لله على سلامتك و ألف مبروك على البيبي الجديد الله يخليه و يحفظه ليك
العقبة ليا أنا كنتسنى نولد هاذ الأيام ان شاء الله
حبيبة من تجربتي الشخصية خاصك تبعدي على المجهود من أي نوع مدة 40 يوم و تأكلي مزيان و تنعسي مزيان و تبعدي على البرد و على العلاقة الزوجية حتى تكملي 40 يوم واخا تمشي منك الدم
كانت واحد المرأة كبيرة في السن قالت ليا 40 يوم ديال النفاس كتضرب ليك عام كامل و أنت بخير و على خير و ايلا ما تهليتيش و ارتاحيتي تبقاي ديما مريضة
الشقا ديال الدار ماغاديش يتسالا
و الغراز ايلاما براوش مزيان غادي يمحنوك في العلاقة الزوجية
الله يقومك بالسلامة