le goûter الي كايديو وليداتنا للمدرسة

الأخوات بالنسبة للأكل الي كايديوه ظˆظ„ظٹط¯ط§طھظ†ط§ عشية ظ„ظ„ظ…ط¯ط±ط³ط© كنبحث على اقتراحات انتمنى تفيدونا باش نوعوليهوم انا دايرا جدول يومي لكن كنحير من السيمانة للسيمانة انتمنى يكون تفاعل كبير نستافدو وأنا غنحاول نحط الجدول اللي درت أونتعاونو باش نوعو ماكلة وليداتنا

---

le goûter hgd ;hd]d, ,gd]hjkh ggl]vsm hld gouter ;hd[d,

انا الكوتي لي كنعطيهم مكسرات بريوش بالشكلاط او الجبن
فواكه ظازجة خاصة في الصباح
تمر
كيك و مادلين
كريب
حلويات فحال الفقاص

في الحقيقة انا من المعكازين اما دانون اما فاكهة اما مادلين كنصابوا كنت جربتو من هدا المنتدى الحبيب و الاخت لي حطاتو الله اعطيها الصحة و اجزيها بالف خير و الباقي مرة مرة كنعطي بيمو عارفة انه غير صحي و لكن كنحير و ملي كتلف بيا كنعطيهم بيمو هدشي لي كندير

أنا اختي كنعطي الولدي خبز فيه الفرماج و الكونفتير أو بريوش بالشكلاط أوحرشة،و التفاحة أو بنانة و دانون أو داناب،

حتى انا تالفة درت ليها الفقاص يالا سالى و درت ليها ليوم حلوة قديمة و ساهلة حلوة الفرشيط هههه
و كنعطيها تفاح بنان بعويد
زبيب لوز تمر شريحة و مني كنتلف كنعطيها دانون

و كنقلب دابا على وصفات المادلين و خا معنديش المول تاعهم

انا عندي مشكل مع بنتي مكتبغي حتى حاجة مصايبة في الدار كتقول لي حتى واحد ماكيدي شي حاجة مصايبة في دارهم خاصها غير الحاجة الجاهزة نصايب الكيك الحلوى بيوس بالشوكولا او حتى حاجة متديها عندها4 سنين و6اشهر هادي غير ولات كتاكل على كيف كانت .

شكرا على الردود أخواتي
أنا درت هاد الجدول باش مانتلفش لصقتو في باب الثلاجة نتمنى نتعاونو نوعوه ظ…ظ„ظپ ظ…ط±ظپظ‚ 84756
هادوك الوصفات اللي لتحت كنوع بيهوم مرة مرة
نتمنى نكون فتكوم شوية نتمنى من الأخوات إعاونونا أنا بعدا تلفت خصوصا في الفطور حيت ماكايفطرش ولدي في الدار عندو عامين و نصف الله إحفضو لي وحفضلكوم وليداتكم

السلام عليكم، أنا مانعطيش ولادي السقاطة ديال الحانوت لأنها غير صحية وما كنصحش بيها، واخا يبكي عليها الطفل راه غير باش يضغط على والديه وراه بعد الإصرار كيخضع للأمر الواقع. كنعطيهم في الصباح إما كريصات أو خبز مدهون بزويتة بلدية و كونفتير صنع منزلي أو زبيب و تمر أو تمر معمر بلوزة وكركاع كيسميوه ولادي همبركر ديال المسلمين ههههههه و كيعجبني الحال. في العشية تفاحة مغسولة مزيان بصابون الكف لإزالة الدواء دالفلاحة (مواد كيميائية) أو بنانة. و ما كنبغيش نعطيهم الفرماج بزاف واخا كيحماقو عليه حينت فيه مواد حافظة كثيرة.

فواكه علي حسب الموسم تكون مغسولة مزيان
سوندويشات صغار متل الامبورغر مصنوعين في البيت او موراقات مالحة ميني بيتزا ….
حلويات لكن ما نكتروش منها مرة في اليوم لا اكتر بيسكؤي حلويات شوكولا سابلي فقاص مادلين …..
مكسرات

bravo أكاك كله صحي غير حاجة وحدة بغيت نلفت ليها نظرك هو ان المواد الكيماورية لي كتكون لاصقة في التفاح ما كتمشيش بالغسيل واخا حتي بالجكس لانها عبارة عن مادة مشمعة. لذا أفضل إزالة قشرة التفاح نهائيا لان تلك الكادة المشمعة مادة مسرطنة.
تقبلي مروري