ha hiya chabakiyti

ghir bghit njarab wach ithatou liya tssawar w jarabt f chabakiya hahahahahahahahah

https://imageshack.us/photo/my-images/824/chabakiak.jpg/

---

ha hiya chabakiyti chabakitti

هاهي الصورة بينتها ليك

تبارك الله عليك جاتك زوينة بصحتك وراحتك

اختي شهدة جاتك الشباكية غزالة كتحمق بغيتك اختي تعطيني المقادير لي استعملتي فبها بالضبط واعطيني اختي حتى المفادير ديال العسل الا جات على خاطرك الله يجازيك بالخير لاتي انا فاش كنصيبها كتجيني قاصحة وناشفة من العسل واعيت تابعة واحد الاخت حرام واش بغات ترد عليا ويلى كان ممكن وريني حتى طريقة التشباك وشكرا بزاف

salam 3alykom jatk fana okhti bsaha wraha okhti om zakari ila jatk chabakia 9asha rah man l3jina khalitiha markhoofa rah l3jina khasha tkon 9asha bach mali tib tjik hchicha

بصحتك اختي ..كملي خيرك وحطي المقادير باش تالكل يستافد….

اختي واش تستعملي الخمارة المعجونة في الشباكية راه ضروري واحد شوية باش تخمر مزيان وتعمل الفقاعات لي تشرب لعسل …ما عليك غي تبدلي مقادير الشباكية وديري شي وحدة مضمونة ….وتكون العجينة قاسحة وعطيها كفك باش ترطاب

شكرا بزاف عييت نبينها ماعرفتش كيف درتي ليها عافاك اختي

ها المقادير

كيلو فورص
جبانيه صغيره لوز مصلوق و ملي و مطحون مزيان
جبانيه صغيره زنجلان محمر و مطحون حتا هو مزيان
معلقه كبيره القرفه
معلقه كبيره حبه حلاوه
شويه المسكه حره
شويه زعفران شعره
كاس الزبده دايبه
كاس زيت مخلطه بلديه و روميه
كاس ماءزهر مخلط بالخل نص نص
الكوزه محكوكه غير شويه
و بيظه
معلقه صغيره خميره لعجينه
و خماره حمراء

عجني كلشي مزيان الي جات قاصحه رخفيها بالماءزهر خاصها تجي بين و بين و قطعيها كويرات علي 4 او 5 و عمليها فبلاستيكه واحد نص ساعه عاد طلقيها بالمدلك و الدقير و قطعيها بجراره و شبكي و دابا نشوف ليك شي تصاور كيفاش تشبكي فالقريب و نشرح ليك حتا الطريقه كتابيا و غادي تفهمي

قطعي لعجينه بعد ماتورقيها مزيان مربعات و وسط كل مربع شرطي بالجراره 5 او 6 ديال تقطيعات طوال كاتهزي شريط و تخلي شريط من هاداك المربع لي شرطتي و و تلاصقي 2 قنات لي كايديرو كروه الوسط واحد من هاد القنت و واحد من هاد القنت و لاصقيهم و خرجيهم من الوسط حتا نشوف ليك تصاور احسن

اما لعسل كاندير 2 كيلو سنيده و ايطرو ديال كوكا ف كوكوط و نسد عليهم غير تبدا تصفر و نحسب 10 دقايق و نطفي عليها حتا تبرد شويه كوكوط و نحلها و نزيد شويه الماءالزهر هادا هو لي كاندير اختي و نتمنا نكون فدتك

هاهو كيفاش تشبكي اختي ومبروك عواشرك والله حشومة عليها مالها آش غتوريك وكون كنتي هدايا نديروها مجموعين مالها اش فيها.