frittelle del luna park

اهلا الفركوسات ديالي اش خباركم لاباس عليكم نتمنى تكونو بالف خير
اليوم جيت و جبت معايا وصفة ايطالية نتمنى تعجبكم هي بحال البيني ديالنا الايطاليين كيقولو ليهم frittelle و كيكونو في الاسواق الكبرى السنوية و في الكرنفال و park المهم نبداو على بركة الله بالمقادير و الطريقة في نفس الوقت :
في اناء كنخلطو 250 مل حليب دافئ و 50 غرام سكر سنيدة و 10 غرام ملحة و 1 فاني و قشرة 2 حامضات ( اختيارية ) و بيضةواحدة و نحرك حتى يدوب السكر و الملح و نضيف اليه 250 غرام دقيق ابيض و نخلط تم نضيف 25 غرام خميرة الخبز و نخلط تم 250 غرام اخرى دقيق ابيض و نخلط و في الاخير 100 غرام زبدة تكون رطبة و نعجن العجينة حتى تدخل فيها الزبدة و نتركها تخمر مدة ساعة و نصف.
بعدما تخمر نعملو العجينة على شكل boudin بحال الصورة و نقطعو قطع متساوية و نعملوها كورات بحال الصورة و نخليوها تخمر مرة تانية مدة نصف ساعة .
نديرو الزيت تسخن و نبدا نكرص كل كورة على شكل بطبوطة و مباشرة الى الزيت الساخنة حتى تحمر من الجانبين و نمرمدها في السكر سنيدة نقدموها بالصحة و الراحة .
نتمنى تعجبكم و انتظر الردود و التطبيق.

frittelle del luna park