dakhlo 9raw mawdoo3i orado 3liya yasara laho amrakom

مبروك عليك اختي الله يكمل بالخير ياربي ليك ولينا ولكل بنات المسلمين
اول حاجه ختي نقولها ليك قبل منعطيك رأيي في الترتيبات لي بغيت نقول اختي الحاجة البسيطه ماكين ما احسن منها يعني ديري عرس في قاعة وتخسري عليه فلوس نيت وفي الاخير ضروري مايطلع ليك شي حاجه خايبه بحال ديك النكتة لي دارو للناس دوره ديال تمر كل تمره فيها 200 درهم باش الناس متقول حتى حاجه في العرس ولكن كلشي خرج كيقول العرس داز مزيان خسروها غير في التمر دارو غير دوره ههه يعني الهضره كاينه كاينه ف اللهم ندير حاجه بسيطه هذاك راه نهار فرحي كيتجمعو فيه حبابي ولي فرحانين ليا يعني يقبلو عليا ويفرحو معايا ماشي يجيو يتفرجو شنو غاده ندير فيه

ومنكدبش عليك العراسات ديال الدار مع ناس قليلة كتعقلي عليه ،
المهم ختي انا كنشوف توجدي البركه ديالك في الصالون بلاستك تكون مع القبلة لي كنصليو عليها ، تفرشيه مزيان تنقصي لا كاين شي ديكور ولا شي حاجه حيت داكشي بالوليدات الصغار مكيبقاش بحال الغرس ولا الورد ، تلبسي تكشيطة ديالك وقفطانك لي خيطتي وتجيبي شي نڭافه دير ليك تخليلة وتزيدك قفطان فاش تنقشي كيطلع ليك هادشي رخيس شويه اوا شوفي نتي شنو باغه ديري اخوات ولا ممدحات ولا ……. المهم ديري ليهم بلاستهم في المراح ولا شي بلاسة مطرفة عليك نتي فين تبركي ، و من الاحسن الماكله متكونش في الدار لي غاده تبرزي فيها ، يعني جيران ولا شي حاجه هاكه الا كان في المستطاع ودوزي نهارك اختي وفرحي را كلشي كيفوت وديري تصيورات باش تفكري نهارك
اما اللبسه لي تروحي فيها انا كنفضل قفيطين بيض وديري الطرحة تكون طويله ومغطياك كتجي بحال الخمار و اهم حاجه كولي مزيان و متخلعيش و فرحي وقراي قرآن وطلقيه باليل قبل العرس باش العين تبعد منك و رقي نفسك نهار العرس و الف الف الف مبروك

متنسايش تدعي معانا اختي حنا غير علمينا نديرو ليك عرس هنا في المنتدى ههه
العقبة لل اخت لي كتوجد نهارها حتا هي

و اتمنى لك حياة زوجية سعيدة يكون فيها مودة ورحمة