انا شخصيا هاد الكيكة كتعجبني بزاف. نتمنى حتى نتوما تعجبكم. اوا نخليكم مع المقادير.
نص كاس صغير زيت – نص كاس صغير حليب دافي ندوبو فيه شويه ديال الخميرة العجينة. قبصة ملح خنشة صغيرة ديال نيدو و حامضة محكوكة و 1 خميرة الزا. 4 معالق كبيرة سنيدة. كاس كبير حليب سخون نبردوه بشويه ديال الماء. الدقيق حسب الخليط.
الطريقة : نضع كل المقادير و نمزجها مزيان و بعدها نضيفوا الدقيق شويه بشوية لغاية الحصول على عجينة خفيفة بحال ديال السفنج و نخليوها تخمر ساعة تقريبا و بعدها كنلاحظا انها زادت في الحجم. من بعدها ندهنوا الصينية ديال الكيك المدور و نوضعوا فيها كويرات صغار ديال العجينة حدا بعضياتهم و نخليوهو يخمروا. من بعد ندهنوهم بالبيض و السكر سنيدة او نرشوهم بالجلجلان و نخليوهم يطيبوا لغاية ما يتحمروا من بعدها ندهنوها بالناباج من الفوق. و نقدموها باردة بالصحة و الراحة.
;d;m hgai]m
احسن واقيلا كثرت للافادة فقط ههههههههههه
ممكن ياكلوها اصحاب الرجيم غير يقللو السكر
عندي وصفة قريبة من هذ الوصفة وان شاء الله نكتبها لكم
السلام عليكم جميعا وسلام خاص للاخت نسمة مغربية
عندي وصفة تشبه وصفتك -كيكة الشهدة-
نص كيلو فرص
3بيضات
خمارة حمراء
1لفانية
2معالق كبارزبدة ذائبة
2معالق كبارخميرةالخبز مذوبة فشوية الماء دافىء
3معالق كبار سنيدة رشيشة الملح
نخلط المقادير مع بعضها وتجمع بالحليب مثل عجينة السفنج
ناخذ مول الكيك مثقوب من الوسط يزبد ويغبر بالفرص ثمنعمل كويرات بحجم برتقالة نحط وحدا جنب وحدا تترك تخمر ثمندهن الوجه بالبيض ترش بالزنجلان تدخل الفران ناره مهيلةحتى تتحمر.
هذ الوصفة مجربةعطاتها لي صديقتي صفاء من مدينة تاركست
الله يفك وحايلها على خير ونطلب لها الصورة مكمولة اللهم اميين
