تبث في 17/05/2019
bent bladi
السلام عليكم ورحمة الله وبركاته
اليوم تنقدم ليكوم حلوة تيجي المنظر ديالها بحال الخشب (buchettes) والمذاق روعة
نبداو باسم الله
المقادير
250g الكوك
g100 سنيدة
2 ملاعق كبيرة الكاكاو
2 ملاعق كبيرة ماء الزهر
3الى 4 ملاعق كبيرة عسل
تقريبا 250 g شكلاط
الطريقة
تنطحنو الكوك مزيان (أنا تنطحن حتى سنيدة ) ثم تنخلطوهوم مع الكاكاو والعسل وماء الزهر تنديرو الكل في كاصرونة ثم فوق نار مهيلة مع التحريك مدة 5 دقائق.
تناخدو بلاستيك ديال الفريكو وتنقطعوه على الطول ثم تنحطو شوية ديال الخليط تنديروه فالجنب ديال البلاستيك وتنبقاو نلويو عليه البلاستيك حتى تنصاوبو حريبلات رقاق . وتنكملو بنفس الطريقة حتى تنساليو الخليط
ثم تنديروهوم فالثلاجة يبردو
تنحيدو البلاستيك على الحرابل
وتندهنو البلاستيك بالشكلاط المذاب
وتنردو عليه الحرابل
وتنعاودو نلويو عليه البلاستيك
تنردوهوم للثلاجة حتى تيقصاح الشكلاط ثم تنقطعوهوم تقطاع مايل بلاما نحيدو البلاستيك باش ما يتفرتتوش لينا ومنين تنساليو التقطاع تنحيدو البلاستيك وتنديرو القطع فكويغطات
وهذا هو الشكل النهائي بالصحة والراحة
buchettes fhg;,; ,hga;gh’
تبارك الله عليك حليوة غزالة وشرح اكثر من وافي
الله يجازيك بالخير
المشاركة الأصلية كتبت بواسطة المطيعة لله 
تبارك الله عليك حليوة غزالة وشرح اكثر من وافي
الله يجازيك بالخير
السلام عليكم ورحمة الله وبركاته
الله يبارك فيك أختي المطيعة لله وجزاك الله خيرا عزيزتي
جزاك الله خيرا …حلوى رائعة و الشرح واضح ….الله يعطيك الصحة ثبت ي تاريخيه
المشاركة الأصلية كتبت بواسطة الكلمة الطيبة صدقة جزاك الله خيرا …حلوى رائعة و الشرح واضح ….الله يعطيك الصحة ثبت ي تاريخيه
وعليكم السلام ورحمة الله وبركاته
الله يبارك فيك أختي الكلمة الطيبة صدقة .ومشكورة على التثبيت عزيزتي