ajiw nfido ba3dna

بسم الله الرحمن الرحيم

شكون لي ما عمرها حارت آش غطيب للرضيع ديالها أنا شحال من مرة ما كنعرف آش نعطي لبنتي لهدا فكرت نتجامعو فهاد التجمع أ نفيدو بعضياتنا

نتمنى الأمهات يدخلو أ يعطيونا وصفاتهم

ajiw nfido ba3dna

موضوع جميييل بزاف ، تبارك الله عليك ، نتمنى الأخوات يفيدونا ، أنا عندي بنتي عندا عام وشهر ، وكنحير بززززاف شنو نعطيها تاكول ،بغيت سقسيكم عاود تاني ، واش البروتينات نعطيها يوميا ؟ ولا غير شي مرات في السيمانة ؟ بغيت نعرف علي التغدية وكلشي ، الله يجازيكم بالخير، مع العلم هي باقا دارت 2 سنينات التحت

بحالي ديما حايرة أش نطيب لبنتي وبعد المرات كنبقى نزوق ليها الماكلة و فالتالي كتخليلي كلشي فراسي

اوا عن تجربتي انا ولدي عندو عام ونص كنت كانعطيه الصوبة مرى نطحنها لو بالفرماج مرى نطحنها لو بجيرفي ويمكن تهزيلو من فوق الطاجين شوية بطاطا وخيزو والا فيه القبط زيدي ليه شوية الكورجيط واو بالليل عطيه بيضة مسلوقة مع فرماجة كتخلطيهم او بانة تخلطيها لو مع دانون وياكلهم او تسلقي لو تفاحة وتحيكيها وتنسميها بشوية العسل الا ماكانش ديري لو سنيدوة ويمكن تعطيع هرنيس من بعد ماترطبيه فشوية الماء سخون وتصفيه او حريرة الشعير تكون جامدة شوية نصيحة بعدو من سيريلاك راه غير الغوى الغاوي وانا موجودة

شكرا لكل وحدة تفاعلت مع الموضوع

انا بنتي ملي كملات 4اشهر قالي الطبيب ديالها نبدا ليها الاكل.قالي عطيها كل 3او4 نوع من الخضر باش نعرف واش معندها حتى حساسية من شي نوع.المهم انا مدرتش بكلامو درت راي راسي هههه خلطت كولشي مثلا مرة نصلق ليها بطاطا مع خيزو والكورجيت ونطحنهم مع الحليب ديالها كنخلي هادشي جاري بزاف كنعطيه ليها بالمعلقة باش تولفها مكنختروش حينت باقا صغيرة او كنخلط ليها الحليب ماء الخضر.ولكن هادشي لكنعرف اوبان لي بنتى حتاهيا طلع ليها فراسها هههه .دابا قربت تكمل 5 شهور بغيت ندير شي نظام يومي لي عندها شي فكرة متبخلش علينا

شكرا ليك صاحبة الموضوع على هادشي لي غادي نستافدو منوا واش انتي شنو كتعطي لبنتك واخا هي باق صغيرة قريبة تكمل 5 اشهر الله يخليها ليك ؟؟؟؟

ههههههه كتبنا الرد كيف كيف

حاولي طحنيها بما سيدي علي كل خضرة بوحدها باش متولفش ليك الخضرة بالحليب مني تكبر

المشاركة الأصلية كتبت بواسطة zineb hayati

بحالي ديما حايرة أش نطيب لبنتي وبعد المرات كنبقى نزوق ليها الماكلة و فالتالي كتخليلي كلشي فراسي

الروز مع الحليب طحنيهم و زيدي ليهم شوية ديال قرفة مزيانة

الشعرية مسلوقة في الماء

سيريلاك مع الحليب أو الماء و خلطي معاهم شوية ديال الكركاع مطحون

كولدنة أو هنريس مخلط مع الماء سخون او الحليب سخون يدار بحال سيريلاك

الصوبا كل مرة و شنو كديري فيها إياكي وديري نفس النو3 دائما راه الطفل غدي يمل منها

مرة دير الخضراء كلها مع البصلة و القزبر و مطيشة و الخضراء كلها و مرة هير روز مع خيزو هدا إلا فيها الكرش و بقاي ديري فيها الحم و الدجاج و الحوت نوعي و أيضا التمر و الزنجلان راهم مفيدين

بطاطة مسلوقة في الماء مع البيض مسلوق خلطيهم وزيدي عليهم زيت العود وملح

العصيدة ديال سميدة او البلوبلة مع الحليب إلا كان الولد مزال صغير ممكن طحنيه ليه

بنانة مخلطة مع تفاحة العصير ديال زبيب مع الفواكه هدي نصيحة مني هزي الزبيب و خوي عليه أتاي لي كنشربو و خليه يترقد فيه حتى يبان ليك منفوخ بحال شكل ديال العنب و ديريه في الكونجلاتور حتى يتجمد و من بعد طحنيه مع ليمون أو الحليب مع الفواكه طحنيه و هو مجمد راه مكيبقاش يبان واش زبيب هد الطريقة ديروها لوليدات لي مكيبغيوش الزبيب زوينة ياك هههههه راه الدراري الصغار كيبغي ديري معاهم شوية ديال تحرميات ههههههه

و أيضا واحد العصير مفيد صلقي بطاطة واحدة و خيزو واحد و زيدي ليه 3 فريزات ودانون الفريز و لبن و بقاي عطيه ليه من عام لفوق راه كيغلض و مفيد بزززاف
hadchi n9alto man wa7d site

المشاركة الأصلية كتبت بواسطة زينة الأبرار

ههههههه كتبنا الرد كيف كيف

حاولي طحنيها بما سيدي علي كل خضرة بوحدها باش متولفش ليك الخضرة بالحليب مني تكبر

طحنت ليها الخضرة بالماء ديالها واحد المرة اومابغاتوش

اترك تعليقاً إلغاء الرد