اختي الموظفة هل لديك ذمة مالية مستقلة

السلام عليكم ومبروك عواشركم

سؤالي للاخوات الموظفات هل ظ„ط¯ظٹظƒ استقلال مالي وهل تتمتعين براتبك كاملا وما مدى مساهمتك في مصاريف البيت وهل ظ„ط¯ظٹظƒ نصيب في البيت الذي تسكنينه هل لك رصيد موفراه لدواير الزمان

يمكن يكون داز هاد الموضوع فالمنتدى بحثت ولم اجد مع اني متتبعة يومية لجميع المواضيع

الموضوع طرحتو لان عمر زواجي عشر سنوات ولا املك فلسا وعندما اشترى زوجي بيتا قرر ان يكتبه باسمه فقط متناسيا بذتك السنوات التي قضيتها في تحمل اعباء البيت

زوجي انسان متدين ومخلق وكيعرف بينو وبين الله ولكن انا حاسة بالشمتة خصوصا اغلب الموظفات اللي معايا عاملين الديور باسمهم هم كيخلصو الدار والراجل كيتكلف بالمصروف

حللن وناقشن

---

hojd hgl,/tm ig g]d; `lm lhgdm lsjrgm lhgpm

السلام عليكم.اختي واش غا نقولك حتا انا كيجيوني شي افكار بحال هاد شي لي طحتي فيه.انا دايرا ثقة فراجلي ولكن واخا هاكاك باغا نضمن حقي.حتى الموت كاينا.حتا انا موظفة ومامرسياش هاد المسالة معا راجلي وديما كنخمم فهاد المسالة.مكرهتش من الاخوات الموظفات لي ناجحات فحياتهم المادية مع ازواجهم يقولونا الطريقة لي متبعينها.انا راجلي كيعطيني فلوس المصروف وكنزيد من عندي مين كيكملو.هو مكيجمع والو.وانا جامعا شويا وسافي…اختي حاولي تهدري مع راجلك غير باللتي هي احسن يكتب الدار عليك وعليه ويلا كان هاد شي مستحيل خليه هو يتكلف بمصاريف البيت من الان فصاعدا و جمعي انتي يديك..انا كنشوف هاد شي ظلم فحقك.هو يجمع ونتي تصرفي.الا كان كيعرف ربي هاد الشي ماكاينش فالشرع..انا ضد هاد شي.نعاونو على راسي وعينيا واخا ممفروضش عليا فالشرع بساح الا درنا شي نديروها لينا بجوج

حقيقة هاذ المسألة كتختلف على حساب الزوج وقناعاته، كاين عيالات مخدماتش وأزواجهم كيكتبوا معاهم بالنصف، في حين كاين العكس. كتبقى المسألة متعلقة بالزوج وتربيته وأصدقاؤه، حينت هاذ الشئ، كله كيأثر فيه. أنا مثلا موظفة كنا قررنا أنا وهو غنشريوا أرض ونكتبوها باسمنا بزوج، الحقيقة كان متحمس للفكرة، لكن بمجرد ما قالها لأمه واخته حتى اتقلب، وقال لي ما شي راجل اللي يسكن في شي حاجة باسم المراة.

نعم اختي هاد الشي كيتعلق بطبيعة الزوج وتربيته ولكن هاد الشي ماكيعنيش يستغلها…الا هو عندو هاد الفكرة ديال ماشي راجل اللي يسكن في شي حاجة باسم المراة خاس تكون عندو حتى الفكرة انه ماشي راجل لي المراة تصرف عليه.الا بغا يكتب دار باسمه كان عليه يصرف على دارو ماشي هي كانت تصرف وهو كان يجمع باش يدير الدار.هاد الشي ماشي معقول

شوفي يا أختي فوضي أ مرك لله كيفما تقولي اذا كان زوجك متدين وعلى خلق لا تخافي من الشمتة باذن الله مغيشمتكش والمال الذي أنفقته على بيتك و أبنائئك احتسبيه لله عله يصلح لك به ذريتك ان اء الله و الدنيا فايتة و الحمدلله متعمريش راسك بالتفاهات فرحي للبيت الجديد لأ نه بيتك وخا باسم زوجك ودعي عنك الوساوس فزوجك نحسبه ولا نزكي على الله أحدا نحسبه على خير ولن يضيعك

السلام عليكن اختي الصراحة ضرورية وخصوصا فالامور المادية هاد شي ظلم فحقك صارحي راجلك وحاولي تفاهمي معاه بالتي هي احسن

شكرا انيقاتي على تفاعلكن مع الموضوع

اختي كلنا كانديرو النية و المغاربة تيكونو متدينين في الأول ويقول ليك على قبال الوليدات و مابيناتناش الحساب …و ملي كايدير الدار كاينكرك كأنك عمرك ما كنتي .انصحك أختي من تجربة شخصية و طعنة في الظهر ماعمرها غاتنسالك جمعي راسك و دفعي في شقة ديالك و خلي الدار يعلقها فودنو.راكي ساكنا فيها نتي و بناتك و خرجي سوق المصروف جاب اللحم طيبيه جاب مطيشة و البيض طيبيها و فلوسك خسري طرف على راسك و طرف خلصي بيه الطريطات ديال دارك و قاديها ولا كريها تخلص راسها.اللهم تفيقي معطلة شوية ولا معمرك تفيقي

البنات عندهم الصح وهذه هي مشكلة الزوجة الموظفة دابا كيف ما قالت ليك واحد الأخت لي وقع وقع ما عندك ما ديري بلا ما تسمحي لهذه الأفكار تدمر العلاقة ديالك مع راجلك ما تعرفي تكون نيته نيت مزيانة المهم انتي الان دابا بداي تفكري في راسك من هنا لقدام وقلبي على شئ برطمة وخليها في سميتك يمكن تاخديها في مدينة غير اللي انتي فيها وتقولي ليها بغيناها للعطلة هكاك باش اللأمور تبان عادية لكن اللي نوصيك عليه أنها تكون في سميتك الله يتاويكم للخير

انا مع هاد الراي تبارك الله عليك اختي