مساعدة في مصروف المنزل

السلام عليكم عفاكم بغيتكم تساعدوني في ظ…طµط±ظˆظپ ط§ظ„ظ…ظ†ط²ظ„ امنا راجلي هو الي كان مكلف وتوفا ليا هادي اربعة شهور وخلا ليا جوج بنات وحدة تسع سنوات وحدة سبع شهور وبغيتكم تسعدوني كيفاش نصرف حيت كلشي جاني صعيب الا خرجت غير نخلص الماء جاني عييب بزاف

---

lshu]m td lwv,t hglk.g hgl,sl

الله يرحمو ويرحم جميع موتانا المسلمين ويكون في عونك الحبيبة دابا وليتي مكلفة بزوج اليتيمات وليتي الأم والاب من الأحسن تشجعي باش تولفي تخرجي وتخلصي وتقداي عودي خرجي بناتك معاك الى بغيتي تقضي الشغل

الله ارحمو ووسع عليه وصبرك انت وبناتك ويعينك عليهم ممكن تقولي لنا شحال لفلوس باش نشوفو حيت كل واحد تيمشي على قدو واش داخل فيه لكرا ومدرسة الدراري بالنسبة لي تناخد لمقضية لكتصبر لشهر لوبيا عدس شعرية زيت التيد وجافيل الدقيق الى اخره اللحم حاولي ديري كل اسبوع هو والخضر والدسير وحاولي تحيدي شوية كل شهر للمصاريف الطارئة والعطرية خودي مثلا 5 دراهم كل شهر راه كاااااااااااافية

اختي راكي عارفة البنت الصغيرة مصروف ليكوش والكبيرة مصروف المدرسة ودايرة ليها معلمة كتجيها للدار تعطيها الدروس اما الدار ديالي انا مصروف تقريبا 5000 درهم في الشهر حيت عندي سيارة وبغيت ندير خدامة غير بغيت نعرف بحال الخضرة كيفاش نبدا نتقدا وبغيتكم تنصحوني عفاكم حيت دبا لقيت اي واحد كيتعامل معايا لا من العائلة ديالي ولا ديال المرحوم غير على فلوس بناتي حيت انا مزالة صغيرة وعمري خمسة وعشرين وبغيت منكم نستافد منكم حيت معندي حد من غيركم

السلام عليكم و رحمة الله و بركاته
الله يرحم زوجك و يجمعك بيه فالجنة
الدار ديالك و هذا من فضل ربي عليك
خاصك ديري لائحة ديال المصاريف الثابتة او les charges fixes
الماء و الضو
الهاتف و الانترنت
مدرسة البنت + الدروس الخصوصة
الحليب و الكوش ديال البنيتة
من بعد شوفي شحال بقا ليك حاولي تخبي منو واخا غير 500 درهم الله يحفض للمرض و الدخلا ديال المدرسة و الحوايج العيد ديريها تحت منك تلقايها التوفير على حسب شحال بقا ليك
من بعد شوفي المبلغ اللي بقا ليك ديري مبلغ ديال المصروف على حسب الاحتياج ديالك نتي و بناتك ديري التموين فالبداية ديال الشهر اللي يقدك الشهر كامل و من بعد داكشي اللي يبقا قسميه على 4 او 5 على حسبب عدد الاسابيع باش متدخليش فمصروف اسبوع على حسب اسبوع مثلا 250 او 300 فالاسبوع شري الخضر و الفواكه و اللحم اللي يقدك للاسبوع كامل شوفي شي سوق اسبوعي رخيص و تقداي اللي يقدك
بهاد الطريقة تمشي مزيان ان شاء الله و ميجيش آخر الشهر تلقاي راسك تقاضاو الفلوس

المساعدة الا كنتي محتاجة ليها دخليها فالمصاريف الثابتة الا كنتي محتاجة غير اللي يعاونك شوفيها 2 مرات فالاسبوع باراكا راه ميزانية الا كانت دائما

شكرا اختي بزاف غادة نتبع الطريقة ديالك بغيت نسولكم اش في المغرب عييب الارملة تجلس غير هي وبناتها في الدار بحدها حيت شفت حتي واحد مرحمني

اختي الله يعينك الحمد لله انك عنك الدار المصروف الزمان غلا بزاف المهم حاولي تمشاي على أساس غادي تخسري 3000 درهم فقط كافي الى عرفتي كيفاش تمشي راسك والباقي وفريه لبناتك حتى إن شاء الله الى حتاجو شي حاجة تلقاي الفلوس عندك والعيد الكبير والأعياد والدخول المدرسي ورمضان …. عندك السيارة غادي تمشي تخرجي شي محل تجاري كبير تشري السلعة ديال الشهر 1000 درهم قاداك واخا تكون عندك الحاجة شريها باش يولي عند الستوك شري الزيت الدقيق الى كنتي تعجني جافيل التيد المنظفات السكر السنيدة الشاي نيدو علبة كبيرة قهوة المعجانات بالكسكس العطرية الصابون شمبوان … وغادي تخصصي مبلغ ديال بنتك الصغيرة ليكوش ديال الشهر والحليب وكل متتحتاجو تقريبا 500 درهم الباقي خليه الخضرة والفواكه بما انك متتقدريش تواجهي الناس أكثر في البداية شري الخضرة من 15 يوم اللي متتخصرش بحال البطاطس خيزو الخيار الربيع جيبيه قطعيه شري البصل الفواكه التفاح تيبقى مدة لافوكا شريها ديرها في الفريكو متتخصرس البنان اللى تيخصر شريه غير القياس اللحم شريه مع السلعة الشهر وقطعيه وديريه في الفريكو والباقي الفلوس خليه البوطة الى تقاضات أو شي حاجة الى خاصاك في الدر الماء والكرهرباء على حسب شحال تيجيك يمكن دخليهم في المصروف الشهري أو تخصصي ليهم من المصروف اللي غادي توفري وحاجة تانية المرأة ماشي عيب تعيش بوحدها هي وبناتها في الأول غادي تلقاي مشكل من بعد غادي الناس يقدروك ويحتارموك بزز منهم حيت حتى انا عشت يتيمة مع الوالدة ديالي و أختي كانت مزوجة في بلاد أخرى وماما الله يخليها ليا عرفات كيفاش تكسب احترام الناس بزز منهم تيقولو ليها راجلك خلا راجل ماشي مرا الحمد لله

شكرا اختي ربي يخليك وفكرتك زوينة واقتصصادية في المصروف انشاء الله منكم نتعلم