اختي بغيت نسولك وسمحي ليا حيت حاولت نراسلك على الخاص ومقدرتش
بالنسبة للروبو اللي عندك مولينكش شريت بحالو ولكن ملقيتش فيه الطراب ديال البيض وبعض الاكسسوارات عندك نتي اللي شريت بحال ديالك تماما
واش نشريهم بوحدهم sur commande
وجميع الاخوات اللي عندهم يفيدوني الله يجازيكم بخير ويا ريت الاكاين شي طريقة استعمال فيديو حيت فيه بزاف ديال الاكسسوارات
وسمحو ليا الا ثقلت عليكم
NEW ADVENTIO
schg gglavtm amannarre ohwm ,g[ldu hghuqhx uhlm uk v,f, moulinex
و عليكم السلام ورحمة الله وبركاته
عواشرك مباركة
و الله يبارك لينا فرمضان الكريم
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل
اعتذر احبيبة عاد شفت ردك فاحد المواضيع
فالروبو مولينكس للي عندي هو المسمى:
robots multifonctions: Moulinex Ovatio 3
Duo super press plus
26pOptions
و هادي الصورة
هو صحيح و عملي بزاااف
كنستعملو يوميا تقريبا
لاني مدمنة عصائر و حلويات و الشلايض
يعني مكيرتاحش معايا مسكين
اغلبية الوقت
كنخلط بيه البغرير الكريب … الپيري الشوربة الكريمات
نضرب خليط الحريرة او البيشاميل فبل منديرو يطيب
عنده عصارة لليمون سااهلة
و عنده عصارة بالفيلتر للعصائر
الى بغيتي ديريها بقشورها و تستافدي منها
و كاين الطراب للحلويات و المورانك و الكلاص و غيرو …
و كاين 6 الماس
4 ماس ديال الشلايظ
للشلايظ و تقطاع الخضر و الفواكه
و اشكال التزيين
موس اللحم و المكسرات و الربيع و القزبر ….
الى بغيت تطحن الكفتة او تهرمش المكسرات بطراف كبار
او تكرض الورقيات بانواعها
و مو س للعجين الخفيف
مثل لي شو او ليكلير او البيني و غيرو
المهم ميكونش العجين صلب بباش متقهروش الموطور
و كاين كاس العطرية و القهوة
ولكن منصحكش تطحني فيه القهوة لانها كاتخرج عليه و اتكلم عن تجربة
كاتحفي المتور
عنده 5 سرعات من 1 إلى 5
اضافة للبيلس Pulse
انا شريتو كامل بكل القطع ديالو
طبعا ممكن ديري الكوموند على القطع للي خاصاك
لكن راه كطيح اغلى من الى شريتيها كاملة
و حسب المميزات ديالو و الاحجام
هادا للي وريتيني فالصورة اسمو
NEW ADVENTIO
حتى هو مولينكس لكن ماشي بنفس المميزات
هذا 3 سرعات
للي عندي انا 5 سرعات + پيلس
ديالي راه تقريبا 6سنين هادي باش عندي
يعني خرجو بعد منو اشكال اخرى بحال هذا للي عندكNEW ADVENTIO
و الڤيرسيون للي قبل منو
ADVENTIO
و
DELICIO
…
نتمنتى نكون فدتك احبيبة
و وضحت ليك الفرق بين هذا للي عندي
Moulinex Ovatio 3
Duo super press plus
و هذا للي وريتيني فالصورة
Moulinex NEW ADVENTIO
و اي سؤال انا حاضرة
رمضان مبارك تقبل الله منا ومنكم
فعلا عاد انتبهت أن الاسماء كتختلف وحتى المزايا
هدا اللي خديت مفيهش طراب البيض وطحانة القهوة
سمحي ليا أختي أمنار شغلتك معايا والله يجازيك بخير