هاد الديكور فين نحطو

جاب لي راجلي هاد الفايوز هي كبيرة

معرفت فين نحطها لفوتوي عندي فيهم المارو و البيج و هي فيها البلان كاسي و الكري
و انا معنديش لي كوان اصلا الصالة باقا ممفرشاها
هو لي عجباتو يجيبها ماكيفكر واش كين فين تحط و لا لون ملائم المهم عجباتو هو

انا بعدا تلفت و حرت عطيوني رأيكم

ih] hg]d;,v tdk kp’,

ماجدة يامجودة كي دايرا توحشتك الزين والله ما عرفت الزين اش نقول ليك اختك زرقا فالديكور بلاتي تدخل للا سهام ديالنا اكيد غادي تفيدك ماح عليك

بارك الله فيك اختي حبيبة حتا توحشتكم كاملات
هاهي دخلات نفعيني اختي سهام راك عارفا البير و غطاه ههه

ماجدة الزين صباح الخير سبحان غادي تستغربي اني دخلت على غفلة ن موضوعك ولقيت بلقيس كتبت لك هاد الرد وقبل ما نشوفو وهي ما شفتني وتصادفنا ف نفس الوقت انا يالله جيت نكتب ليك وهي ف نفس الوقت كتبت ردها يا سبحان الله ههههههههههههههه تقولك سمعت كلامها وجيت
حتى انا ف الاول كان كيوقعلي فحالك راجلي ادا لقا شي حاجة وعجباتو ما كيديها لا فلون ولا ف شكل ولا فين نحطها يشري والسلام وانا ديما نخاصم على هاد المسالة كنقولو خايلاه ما باقي تشري حتى تشاور او على الاقل فكر ف اللون عاد شري هههههههههههه زعما غادي يسماع هههههههههه
المهم بالنسبة للفيوز عند دوك الحجيرات الي ولاو يتباعو ف ياتو فيهم الاشكال والالوان خد اللون البني وخد شكل اخر ف لون بيج ورصعيهم ف الزواق الي من ف الفاز ديال الفيوز ومكن ليك تعمل شي شوية حتى ف الطربوش د الفيوز
تلصقي دوك الحجرات بين الزواقات باللصاق ايهي
عندك اداكنتي كتفهم ف الصباغة تجيبي صباغة د التوب ف البني وتعملي خطوط عريضة متفرقة والطربوش د الفيوز وغادي يجي خط ف البني وخط ف البيض
بالنسبة للحجيرات انا نوريهملك حتى انا عملتهم ف الفيوز ديال الصالة وحتى الطربوش صبغته ف لون التلامط لانه كان طلعلي ف راسي اللون الابيض ويمكن ليك تلصقي وردات صغار حتى هما كيتبعو قطيب د الورد عند ياتو ب 20 درهم وقطع دوك الوريدا ت حتى هما كاين ف البني والبيج فنين ووزيعهم على الطربوش وداك القذيب ما ضيعوش عمل شي حركة ف الفاز
وعندك داك الخنش ف الالوان حتى هو تقدار تستعمليه تكمشو شوية وتعمل منه كويرات تلصقيهم فالطربوش مفرقين وادا ما فهمتيش شي حاجة نوض نصورها ن ختي لان هاد الماطرييل كله عندي
نتمنى نكون قدرت نوضحلك شوية
وبالصحة والراحة يا للا

بصحتك وراحتك الحبيبة راه سهام تبارك الله عليها عطاتك الإختيارات كاملين

سبحان الله تيقولو القلوب عند بعضها اولا لا هههه الله يعطيك الخير هادشي واعر عليا نتي راك فنانة و اش جابني ليك
المهم وريني شغلك و نسجلو فالبيسي و نفهم من الصورة مع الشرح

ايوا شفتي اللا ماجدة اش قلت ليك ماينفعنا غير الزين الطنجاوي ديالنا انا راه شحال هادي ومصدعاها تحل لينا شي موضوع دالديكور وكل مرة تقول بلاتي …انا اليوم جاني العجب بحال الا عيط عليها سبحان الله راه عطاتك افكار روعة جربي اللي حبيتي منهوم الزين بالتوفيق

ربي يخليك احبيبة زعما راني نعرف ندير هادشي و منين ياحسرة ههههههههة و لكن نحاول حتى توريني سهام الشكل لي صاوبت هي