مساعدة من المقتصدات

السلام عليكم أحلى أنيقات ومقتصدات
كنت شفت شحال هادي مواضيع على تدبير ميزاينة الأسرة ولائحة بالتقدية، وكان مقسم بالنسبة للأسرة الصغيرة والمتوسطة والكبيرة
وأنا بغيت الأسرة الكبيرة، راني عييت ما نقلب على الموضوع مالقيتوش، اللي عندها الرابط ديالو تعتقني بيه
وشكرا ليكم بزااااااااااااااااف

---

lshu]m lk hglrjw]hj

https://anaqamaghribia.com/vb/showthread.php?t=426686

نتمنى يكون هدا أختي
راه فيه أجزاء

هادا فات لي شفتو ولكن ما شي هو
الموضوع لاخر كان في الصفحة الأولى كاتلقاي الميزانية مكتوبة ديال الأسر وحتى العنوان مابقيتش عقلت عليه بالضبط
شكرا ليك على أي حال
نتمنى يدخلو أخوات أكثر يساعدوني

هاهو اختي الميزانيات تلقايهم في الصفحة 3
https://anaqamaghribia.com/vb/showthr…E3%D5%D1%E6%DD

هاني نقلتهم ليك

ميزانية الاسرة الكبيرة عدد الافراد بين12 و9 اشخاص كبار اما الصغار كل 2اطفال حسبوهم شخص واحد
2024درهم كافية للاسرة الكبيرة
800درهم سلعة من لهري
6 كيلو سنيدة+4لتر زيت+6بكيات سكر+25كيلو فورص و25كيلو قمح+ كيلو حمص+ كيلو ونص عدس+ كيلو ونص لوبيا+ بكية كبية اتاي فيها كيلو+2 كيلو شعرية السفة+ 2كيلو مقارونية+كيلو بلبولة+2كيلو سميدة رقيقة+ الفرماج بكية24 +3كيلو كسكس+ 2 كيلو روز كلاصي+ كيلو روز عادي+لتر جافيل+لتر جافيل دلعبار+صابون لماعن+ صابونة ديال الحجرة+ كيلو اومو+ 2 بكيات خميرة+ 10خمارات+10 فاني+ العطرية+صابونة ديال الطاوس+ شمبوان حجم عائلي+ بكية الزبدة نص كيلو. لمهم راه 800درهم غادي تقد و يشيط منها الى بغيتو تزيدو شي حاجة اخرى راه داكشي لي اساسي كتبتو
500درهم لحوم
2كيلو لحم قسموه على 4
2كيلو لحم الراس على 3
2كيلو دوارة على3
5دجاجات على 12
6كيلو سردين كل سيمانة شريو كيلو ونص
كيلو لاداند على2
400درهم خضر و فواكه كل اسبوع 100درهم
300درهم الى خص بيض او حليب من الحانوت

دخلي للرابط تستافدي بزاف من كل الميزانيات و برامج اكل اقتصادي و كل وحدة اشنو كتقدى ووصفات اقتصادية مفيد بزاف

شكرا ليك بزاااااااااااااااااااااااااااااااااااااااااااااااا اااااااااف ولهلا يخطيك
عتقتيني بيهم، راه عندنا الروينة في الميزانية نقدر نوصل حتى 5000 و 6000 درهم في الشهر
أو فين كاتمشي ماعرت، كانتقدى من الهري زعما ولكن ماكاتكفيناش، نقدر نتقدى عندو 2 حتى 3 مرات في الشهر من غير التقدية ديال يوميا من عند مول الحانوت، أما الخضر والفواكه والدجاج واللحوم حدث ولا حرج ههههه
كيفما كان تيقول الأب ديالي الله يرحمو: الله يغلب البركة على الرزق