السلام عليكم انا عاد كملت قرايتي و دابا سطاج و عندي تقريبا ساعة ديال الطريق كندخل 8 و نص و مكنخرج حتى ل6 يعني كنوصل مع 7 ولا اكثر للدار و عندي بنيتة عمرها 4 شهور و راجلي خدام عمل حر يعني كيرجع مع 8 و لا 9 للدار كيف ندير حتى نوفق ؟ ييلا بديت و ترونت بغيت داري تكون مقادة و كلشي اموري مزيانة علما اني منقدرش نفيق بكري كثر حيت كنفيق مع 6 و نص و اصلا بنتي كتفيق ترضع بالليل و مكنقدرش نعس بكري حيت راجلي مكيرجعش للدار بكري و بغيت الله يخليكم وصفات اكل نقدر نديه معايا للخدمة بلا مايسخن شكرا
hgHo,hj hgl,/thj uh,k,kd
الحل هو تضحي بواحد الساعة ونصف فالليل ديري فيها ميناج وحاولي كل حاجة ترديها لبلاصتها باش مترونش ليك الدار وديري فالويكاند الميناج لكبير والتصبين غير السبت صباح مثلا راه كافي وتبقا ليك العشية والاحد كامل. وكل نهار ايلا نقصتي شوية مغتلقايش شغل كثير. بالنسبة للاكل ختي شوفي واحد الموضوع ديال الموظفات كيحطو فيه شي اكلات كتوجد بالزربة يمكن ديري سندويشات بالطوسط فيهم امليط+مطيشة وخس+طون+جبن شوارمة سلطة باردة نوعي وشكلي فيها مرا قضي بsalade de fruits
اختي عندك التربية صعيب عليك الحال…إلا ممكن ديري مع شي سيدة تبقى تجي عندك مرة فالاسبوع دير ليك الميناج للدار كاملة باش انت باقي الايام تجمعي غير خفيف من الوسط و يالاه تقابلي الماكلة و بنتك حيت التوقيت عندك طويل وحتى الطياب ديري غير اكلات سريعة لي ماتاخدش الوقت والجهد
بارك الله فيكم الاخوات ختي معنديش الامكانيات باش نجيب شي سيدة للدار مزال انا دابا غي سطاج ههه حتى نولي نتخلص ان شاء الله
السلام عليكم اختي العمل + مسؤولية البيت صعيبة و الله المستعان بالنسبة لطريقتي كنعجن خبز الدار مرة في ثلاث ايام يعني مرة يوم الاحد و مرة يوم الخميس بخصوص الاكل مرةفي يومين مرة كندير اللحم نقليه مع التوابل و البصل الى اخره و نقسمو على زوج فاش نبغي نطيب كنديرو فالطاجين و نخضر هاهو واجد ف 20 دقيقة و المرة الاخرى الدجاج بنفس الطريقة مرات اخرى اكتفي بوجبات ساهلة و خفيفة و بخصوص الاكل اللي تاخدي معاك انا كنعمل بطبوط معمر او على شكل بانيني و مرات لي باط بالخضر و مرات غير بيض مسلوق و فروماج بالليل عاد كنتعشى اما الميناج انا كنصبن و نجفف بالليل بالرغم من التعب و استعملي غرفة الجلوس و غرفة النوم فقط باش متكتريش عليك الروينة و الويكاند ارتاحي و خرجي فوجي على راسك من الظغط و الله يعاونك على البنيتة ديالك و يحفظها ليك
المشاركة الأصلية كتبت بواسطة wiam08 
السلام عليكم اختي العمل + مسؤولية البيت صعيبة و الله المستعان بالنسبة لطريقتي كنعجن خبز الدار مرة في ثلاث ايام يعني مرة يوم الاحد و مرة يوم الخميس بخصوص الاكل مرةفي يومين مرة كندير اللحم نقليه مع التوابل و البصل الى اخره و نقسمو على زوج فاش نبغي نطيب كنديرو فالطاجين و نخضر هاهو واجد ف 20 دقيقة و المرة الاخرى الدجاج بنفس الطريقة مرات اخرى اكتفي بوجبات ساهلة و خفيفة و بخصوص الاكل اللي تاخدي معاك انا كنعمل بطبوط معمر او على شكل بانيني و مرات لي باط بالخضر و مرات غير بيض مسلوق و فروماج بالليل عاد كنتعشى اما الميناج انا كنصبن و نجفف بالليل بالرغم من التعب و استعملي غرفة الجلوس و غرفة النوم فقط باش متكتريش عليك الروينة و الويكاند ارتاحي و خرجي فوجي على راسك من الظغط و الله يعاونك على البنيتة ديالك و يحفظها ليك بارك الله فيك الله المستعان الله يعوانك حتى انت احتي انا المشكل الخدمة بعيدة كنرجع حتى ل7 و لا اكثر كنمشي ناخد بنتي من عند ماما ف8 عاد كندخل لداري غنحاول نقاد اموري ان شاء الله الله يسر سكرا بزاف