برودويات ومساحيق التنضيف

Linas ليناص داير 13 درهم عند صاحب مواد التنضيف، كيحيد كل آثار الكالكير ليكاتكون فالزليج ديال الدوش وكل الاوساخ ليتكون على الزليج كاتحيدو ويولي بحالا جديد، هو خفيف على الما القاطع كبيه على المساحة المراد تنضيفها وحكيها بالشيتة وشخصيا كانحك بشيتة ديال السنان بين الزليج باش ماتبقاش الكحولة للي فيه

gota gota قريعة صغيرة ديال معطر الدار نقيطات صغار فشويا ديال الما بعد ماتسالي التجفاف دوزيه على الدار كاتبقا معطرا النهار كامل وعطر زوين وخفيف تمن 15 درهم، وله استعمالات عدييييييييدة غي بقطيرات قلال منو

الخل الابيض لكل الروبينيات ديال الدار ىنوكس، فالصباح كانلوي كلينيكس أوpapier toilette على الروبيني ونفزكو بالخل الابيض ونخليه فيه على ماكملت شغالي وطيبت الغدا نرجع ليهوم بحكة خفيفة كيوليو بحالا جداد، و تكفي gota gota من بعد باش تحيد ريحة الخل

عجين الكف مزيان واليوم جربت مسحوق الكف لقيتو احسن منو وخفيف على الماعن ماكيبقاوش كتزالقو فالغسيل وكيخلي فيهوم اللمعان