أنا موظفة و بغيت ندير برنامج لتنظيم حياتي شكون تنضم ليا و نشجعو بعض؟ الجزء الرابع

الموظفات بنات الجدادات و القدامات
مرحبا بكم معانا في موضوعنا الي كيهم كاع النساء الموظفات المتزوجات منهن و المقبلات و الي لازلن انسات
نتمنى تستافدو معانا و تفيدونا كذلك باش ننظمو حياتنا و نتغلبو على الوقت الي مرونا
و كذلك نحيدو العكز ونشجعو بعضياتنا

و هادو روابط المواضيع الي سبقو

الجزء الاول
أنا موظفة و بغيت ندير برنامج لتنظيم حياتي شكون تنضم لي و نشجعو بعض ؟

الجزء التاني
أنا موظفة و بغيت ندير برنامج لتنظيم حياتي شكون تنضم ليا و نشجعو بعض؟ الجزء الثاني

الجزء الثالت
أنا موظفة و بغيت ندير برنامج لتنظيم حياتي شكون تنضم ليا و نشجعو بعض؟ الجزء التالت

هاد الموضوع ان شاء الله غنخصصوه للدردشة
و غيكون موضوع جديد خاص بالدروس و نجمعو فيك كاع المواضيع المفيدة لنا

هادا ط¨ط±ظ†ط§ظ…ط¬ كان وضعاتو لنا المشاركة هنادي 333
ام شاء الله نجمعو كاع مواضيعها ومناقشاتها في موضوع الدروس

في امان الله و رعايته

Hkh l,/tm , fydj k]dv fvkhl[ gjk/dl pdhjd a;,k jkql gdh ka[u, fuq? hg[.x hgvhfu gjkudl

تبارك الله على اختي بشرى و مبروووووووووووووك علينا التجمع الجديد

هدا كان اول موضوع لينا مع الاخت فيونا كنتمنا من الله تكون لابس غبرت علينا

نبداو على بركة الله

أول حاجة بغيت نقوليكم هو أنه الجانب الديني هو أهم حاجة فهدشي كامل اللي غادي نهدر عليه، أنا بعدا إدا حسيت براسي مزيانة مع سيدي ربي كنحس بأبواب الخير كتفتح لي و الأمور كتيسر بطريقة غريبة سبحان الله و ما شاء الله حتى من الدار كنحس بيها مكترونش دغيا هههه أما إدا كنت بعيدة على الله كنحس براسي حالتي وداري دغيا كترون و نفسيتي زفت خلاوها المصريين … سبحان الله " ومن أعرض عن ذكري فإن له معيشة ضنكاً" يا رب نكونو من اللذي انت راض عنهم
البرنامج ديالنا كيعتمد على التدرج باش منعياوش وكذلك باش العادات الحسنة تترسخ مزيااان
البرنامج الديني كيشمل عدة نقاط اللي هما الأساس أو ال minimum و لي بغات تزيد فذلك من فضل الله :
كل نهار غادي يكون عندنا مهمة خصنا نديروها و الغد ليه مهمة جديدة + المهمة ديال الأمس و هكذا … مثلاً إدا كانت المهمة ديال الأربعاء هي صلاة الفجر و المهمة ديال الخميس هي أذكار الصباح هذا كيعني أنه نهار الخميس خصك تصلي الفجر + أذكار الصباح، نتمنى تكونوا فهمتو
البرنامج يتطلب الإلتزاااام، يعني كل نهار تجي و تقولي لينا صافي راني درت المهمة و إلا مدرتش تشرحي لينا علاااش حيت فغالب الأحيان كتكون أعذار واهية، أنا بغيت ندير لك بحال طبيب نفسي نخليك تلقاي العقدة بوحدك هههه بحال أنا عندي واحد التلفة بغيت نقول التلفزة صغيرة فلكوزينة كنبقى مقابلاها المواعن ديال جوج الناس كنغسلهم فساعة ههههه أنا لقيت العقدة ديالي الأولى هههه

مرحبا بكم من جديد

كيف ما قلت المرحلة الأولى هي تجديد العلاقة مع الله سبحانه و تعالى حيت هي مفتاح الخيرات و هذا هو التدرج اللي غادين نمشيو عليه :

اليوم الأول : صلاة الفجر
اليوم الثاني : صلاة الفجر + أذكار الصباح
اليوم الثالث : صلاة الفجر + أذكار الصباح + صلاة الضحى
اليوم الرابع : صلاة الفجر + أذكار الصباح + صلاة الضحى + الصلاة في وقتها
اليوم الخامس : صلاة الفجر + أذكار الصباح + صلاة الضحى + الصلاة في وقتها + أذكار المساء
اليوم السادس : صلاة الفجر + أذكار الصباح + صلاة الضحى + الصلاة في وقتها + أذكار المساء + الوتر
اليوم السابع : صلاة الفجر + أذكار الصباح + صلاة الضحى + الصلاة في وقتها + أذكار المساء + الوتر + أذكار النوم و سبحان الله 33 مرة الحمد لله 33 مرة الله أكبر 33 مرة

اليوم الثامن : صلاة الفجر + أذكار الصباح + صلاة الضحى + الصلاة في وقتها + أذكار المساء + الوتر + أذكار النوم و سبحان الله 33 مرة الحمد لله 33 مرة الله أكبر 33 مرة + قراءة صفحة من القران

الأنيقات اللي كيديرو هادشي déjà هنية عليهم و يصبرو علينا حتى نلحقوهم
الأخريات متحاولوش ديرو كلشي من نهار الأول غادي تعياو ، حافضو على مبدأ التدرج راه غادي ينفعكم بزاااااف

وبغيتكم قبل تمشيو تصليو 2 ركعات و طلبو المعونة من الله باش يسر لكم الإلتزام بهاذ البرنامج، وخليو هادشي خالص لوجه الله

نلتقيو غداً إن شاء الله باش كل وحدة تقول لينا واش صلات الفجر و إلى مصلاتوش تقول لينا علااااش الشروق (دخول الصحة هههه )

الحبابات اين انتم………………………………………. ………………?في نضري نبداو بالموضوع الديني كيما كاتب الاخت فيونا و كل نهار ندخل للتجمع التطبيقات نقول واش طبقنا كلشي و الا مصليناش الفجر و لا معملناش شي حاجة نقول علاش بالمنطق اوكي الحدكات

البنات فرحتوني منين شفت الهمة و النشاط رجعو ليكم، تنشكر بزاف الأخت أم صهيب 3 اللي تشجعات و وراتكم سلبياتكم، را ما خاصش الموضوع يكون فيه الدردشة بزاف، و إلا تقدرو تفتحو تجمع الموظفات اللي بغاو يديرو برنامج لتنظيم حياتهم للدردشة، باش اللي بغا يستافد ما يبقاش مجلي في صباح الخير و كي دايرة و فين وصلتي…
أنا تنطلب من الأخت بيبيشا تحط المشاركات دياولي القدام هنا مستفين، ديال البرامج و المصروف، الترتيب و الماكلة، و بالنسبة للجانب الديني أنا جبت ليكم واحد الشجرة ديال الصلاة يلاه بديتها، معلقاها في الثلاجة و تنلونها، كل واحدة ديرها، و في آخر الشهر نجيبوها و نشوفو كيفاش درنا مع الصلاة في هاد الشهر، و بالنسبة لعمل الخير اليومي، لقيت واحد الفكرة زوينة، بعض الخطرات تنحط للطويرات غا شي حاجة ياكلوها في الشرجم، حتى هو را عمل خير، و لاتنوكل شي حيوان في الزنقة:

جميللللللللللللللللللللللللللل اخت هنادي انا الاولى ان شاء الله غنديرها

هدا تقرير الاخت هنادي على المصروف

أنا تنلبس في الدار بيجيمات زوينين، و لكن مرة مرة، تنلبس الرومي في الدار، أو لبيسات خاصين تنشريهم من الأنترنت، أو كسيوات تنفصلهم، كيما قلت ليكم، أنا المبدأ ديالي أني في الدار نكون عادية و زوينة، باش فاش تنقاد نبان لراجلي شي حاجة و يبان ليه التغيير. في الخدمة تنلبس الرومي، محترم و موضة في نفس الوقت، و دايرة الحجاب. أنا وجدت برنامج التقدية الشهرية ديالي، راه زايد فيه بزاف لحقاش إن شاء الله غادي يجيو عندي عائلتي هاد العطلة، و بزاف ديال الحوايج ناقصين لحقاش أنا كنتقد الحاجة بزايد، باش ماشي كل شهر نشريها، كل شهر نقتاصد تمنها، و بالتالي ما تجينيش التقدية ديال الشهر غالية، بحال السكر أنا تنشري الباكية اللي فيها 6 ديال الكرتونات، باقي عندي، تيدوز ليا 3 أشهر، و احنا أصلا ما كنستهلكوش السكر بزاف. السنيدة كذلك باقة عندي، الباكية ديال 2 كلغ، تدوز ليا حتى هي ما بين شهرين و نص حتى لثلاثة أشهر، الزيت، كنت كناخد ديال 5 لتر، تيدوز ليا 3 أشهر، دابا مع الريجيم تناخد ديال 2 لتر و نص تيدوز ليا شهرين لحقاش تنستعملو زيت العود بزاف، الروز باقي عندي، العدس كذلك، الشعرية رقيقة كذلك، تنجيب الباكي ديال كيلو، نديرهم في قريعات و تايدزو ليا شحال، بالتالي ما تنضطرش نشريهم كل شهر، و بحال هاد الشهور اللي عندي فيهم ضيافة تنقتصد في التقدية، sinon كون رانا وصلت ل شي 1500 درهم، كذلك كيتشاب و مايونيز و لامونتار، را باقي عندي، التون و ماييس كذلك، داكشي ديال الحلوى، الخميرة، فانيل، شكلاط غبرة و عادي كذلك باقي، الدقيق، السميدة، كاينين، الزواق ديال الحلوى، و الفلون، كاينين، Paipier génique، Les produits ديال لاساش، حتى هما مزالين، Air weak للحمام، هادشي نتوما زيدوه، و حيدو داكشي ديال الضيافة و قادو التقدية على حساب الإحتياجات ديالكم، آح حاجة أخرى، أنا مربية مشة، نسيت ما درت التراب ديالها، أما ماكلتها را باقة عندي، يلاه نخليكم دابا، Bon week end، و إن شاء الله حتى الإثنين و نحط التقدية اللي سايبت، أصلا حنا اللي خدمات كاما تنبانو في السبت و الأحد.

تبارك الله عليكم دخلة زوينة هذه . و مفيدة إن شاء الله. فكرة زوينة ديال شجرة كنشكر الأخت هنادي.

أنا موظفة و بغيت ندير برنامج لتنظيم حياتي شكون تنضم ليا و نشجعو بعض؟ الجزء الرابع

اترك تعليقاً إلغاء الرد