شكون تعاوني الله ايجازيها على مصروف الدار

السلام عليكم بعد نزاع استمر اكثر من سنه اخيرا وافق زوجي انه يعطيني ظ…طµط±ظˆظپ ديال ط§ظ„ط¯ط§ط± لانه تقريبا سنه ديال لزواج كنشوفو ماشيط والو ومصروفنا عادي جداااا الحمدلله على كل حال ولكن يافرحه ماتمت قاليك الاله مانفوتلكش 1000 درهم ودبري راسك معاها لانني بززت عليه يدخل واحد دارت باش نتوكضو شي شويه مع روسنا
ودابا أخواتي العزيزات بغيتكم ديرو معايا شي بروكرام حتى نخرج هاد 1000 درهم فالشهر كامل وايلا ايلا ايلا ايلا كان ممكن نشيط شي صريف مع العلم انه اتقضى الخضرة ديال اسبوعين
الله ايجازيكم هانا حطيت موضوعي وانتوما اخترعولي شي نظام ولا حل زوين
أأأه على فكره بغيت الردود راه تقريبا اول مره كنشارك مع انني عضوة مغبره فهاد المنتدى
وجزاكم ط§ظ„ظ„ظ‡ خيرا

---

a;,k juh,kd hggi hd[h.dih ugn lwv,t hg]hv

الله يختي آش كتقولي أنا 1000 درهم يلاه كتقدني بوحدي، الوقت راها غلاة ، 1000 درهم راها غير ديال السلعة، بالدقيق والحليب والله أعلم. بالحق أنا عندي بنيوتة،

ا ختي نتمنى يدخلو المدبرات الحكيمات و يعطيوك الحل ل هاد 1000 و خا صعيييب الحال اما الا كان فيها الضو و الماء راه مستحيييل ا ختي تكفاكم

ختي انا فغربة وانا اللي عندي المصروف و مخصص لي مبلغ بسيط بحال تقولي هاد 1000 ده بالنسبة للمغاربة
اشنو كندير عندي ورقة و ستيلو اللي خصاتني كنكتبها هادشي قبل ما يسالي الشهر نهار واحد ماشي قبل اياكي تبداي تصرفي قبل ما يسالي الشهر واخا تكمليه غير بالفول و العدس انا كنت كناخد كن عنده المصروف قبل من واحد و كنت كنتزير مزيان ز مكنكملش الشهر مقاد وهاد الشهرين الاخيرة درت هاكا و ارتاحيت

واللي نصحك بيه هو هاد السياسة اللي دايرة انا و راجلي كاينة تقدية اللي بصح نيت كل شهر و كاينة الحاجة اللي كتشريها و كتدوز ليك كثر من شهر بحال الطحية و بيدو كبير الزيت التيد و…..
يعني يا اتافقو ان 1000 درهم غير للطقطيق و داكشي الكبير تقضية ديالو بوحدها يا غتبقاي تشري اللي يكفيك للشهر فقط مثلا قرعة الزيت شري الصغيرة راس كا شهر الطحين بالكيلو
واهم حاجة اياكي و مرجان او اسيما او ….. اولا كتلقاي راسك شارية كثر من داكشي اللي ناوية عليه حيت هما كيلعبو على الاغراء و العروض المخفضة زعما ثانيا les taxes زايدين فيك هاديك 10 ده الي غيقطعو بالنسبة لميزانيتك راه تشري ليك السكر و الحليب
انا باش كنت فالمغرب كنت مصاحبة مع مالين الهرايا والله العظيم 300 درهم كتشريلي العجب و الا كنت فمرجان 800 اللي كنحط
انا فيا ميزة كنقارن الاثمان و العبار يعني هادي فيها 200 غ ب قدا و هادي فيها 250 و بنفس الثمن اذن …. هههههه راكي عارفة نشري اللي زايدة
نتمنى نكون افدتك و الا عندك شي استفسار انا في الخدمة

السلام عليكم اختي . راه حتى انا قال لي راجلي نعطيك 20 ولكن مبغيتش .
وهو لي اخلص الضوء ويشري اللحم.
وراه قالي فكر بعدا ؟؟؟؟؟؟؟؟؟؟
غادي نشوف الاخوات اش غادي اقولو ليك.
مع العلم كاينة غير انا وياه .

شكر كبير للاخوات اللي ردو عليا الله ايجازيهم
انا المصروف اللي غادي يعطيني ماداخل فيه لا كرا لا ضو لا ما والو حدو اش غادي ناكلو فهاد الشهر
انا ساكنه فالصحرا يعني اسيما ومرجان وداكشي ماكاين كاين غي لكرو ولالهري وكذلك كاينه غير انا وهوا فالدار مامعانا تاحد ومامولفيش نسرفوو فالمصروف ديالنا يعني على قد الحال والحمدلله
تقريبا ايلا خصنا قولي ديك كيلو شعريه 2 كيلو روز معا كانديروه تالغدا وقولي ديك 2 لتر ديال الزيت تقريبا داكشي ديال جوج زوافريه غير أنا كنصرف منين نكون ندير لي تارت ولا الكيكات كنعطيهم الدق
انا بغيت غير من الاخوات اللي عندهم تجربه فالمصروف ايعاونوني غير بعدا باش راجلي يتأكد انني قاده بالمصروف ومن بعد راني نضغط عليه باش ايزيدني لانه والله العظيم ايلا قهرني كنتخلصو 4000 درهم حيدي منها لكرا 1000 درهم والضووالما ومازوط طوموبيل وفالاخير كنجلسو على الضص فبدايه الشهر والله العظيم
املي فيكم كبير من بعد الله ان الاخوات ديالنا ايعاونونا فهاد الاشكاليه
والسلام عليكم ورحمه الله وبركاته

ختي انا عيشة ف اروبا و تنصرف هاكاك 1000 درهم غي انا شهر لي متنكونش انصرف بزاف تنشري لوبيا و لعدس و لحمص و لفول ب زايد. شوفيي تنشري ليتر زيت و كيلو و نص لحم و كيلو كفتا و كيلو و نص صدر دجاج . و نص كيلو سباكيتي تيدوزلي شهرين و نص كيلو مكرونة و حليب غبرة . و كيلو ديال سكر و رابعه ديال اتاي و تيقدر يشيتلي مينوم ن شهر لي موراه. و تنشري 5 كيلو ديال طحين تيشيتلي مينا نشهار لي موراه. و لخدرة و لفاواكه متنفوتش40درهم ف سيمانا و حتا نتي تقدك هاد 1000 درهم مادام نتو غي ب 2 غي خسك تعرفي تسرفي و كان

السلام اختي الف درهم مستحيل تقدكم الا الا لغيتو وجبة العشاء والفواكه والحم يوميا والحليب يعني داكشي ديال البيض وماطيشة والعدس واتي والزيت صراحة غدي تمرضي بفقلار الدم لان الاسعار ناار اختي ضروري من تنويع الطبلة ومرة حوت مرة فواكه الحليب يوميا اضافة الى شراء اشياء للبيت واغراض للمطبخ كالمنظفات وادوات التصبين وبلاستيك الغدائي يعني قولي لراجلك يعطيك على الاقل 1500 ولا 2024 درهم وتقبلي مروري

السلام عليكم اختي انا مخداماش لعام الاول ديال زواج راجلي كان هو لي شاد المصروف كنا كنكملو الشهر غير بالفاتحة انا مكنتش كندخل فيه ملي سلا العام الاول سولتو شحال جمع قالي والو تعصبت لاننا حنا غير بجوج و عايشين عادي الموهيم قلت ليه خليني انا نشد المصروف مابغاش بقيت كنطلب فيه قالي غنجربك غير شهر قلت ليه عطيني 1500 DH او خرج سوقي ولاكن لي حطيت ليك تاكلو بلا غوات ( هو كيخلص الما, ضو,تليفون ….. انا غير الماكلا , تيد جافيل…داكشي لي كيتعلق بالكوزينة) المهيم غير شديت الفلوس خبيت منهم 500DH درتها بحال الا مكيناش شريت بقاتلي 1000dh قسمتها على 4 ديال سيمانات يعني 250DH لسيمانة كنشري خضيرة , كنشري لحم دجاج لاداند عدس لوبيا روز ليباط جافيل تيد دقيق …. كل سيمانا او لحتياجات ديالها مكنمشيش ل اسيما او مرجان غير لحانوت او كنحاول نشيط من 250dh بعد المرات كتشيطلي 20DH مرة 10DH كل مرة وشحال كيشيط كنشري بيها كرواصة او مسمن صغير او حرشة صغيرة او كنديرهم فالكنجلاتور باش الا جا عندي شي واحد على غفلا يكون عندي باش نضايفو او كيكة مكتخطانيش كنصاوبها ديما حيت بها كنفطرو,,,, ملي سالا شهر الاول وريتو داكشي لي شاطلي من 1000DH بقا نعقل شاطتلي 184DH كنت مشريتش كرواصة او المسمن … كانت باقي مجاتني الفكرة بقا كيستهزأ بيا قالي فاضحانا او هاد لقيامة كلها على 184DH قلتليه ياك بعدا شيطت ايو هدا هو الموهيم هو بيني او بينكم تقرص ولكن ملي جبدت ليه 500DH تصدم متيقش او خلالي المصروف او قالي لي شاط من المصروف ديالك واخا كيعطيني فلوسي ديال الشهر دابا هادي عاماين و انا غادا على نفس لقضية شريت شحال من حاجة خاصة فدار بعد المرات كنتكسى بيهم او هاهيا غاديا كنتمنى نكون فدتك ويلا عندك شي استفسار هانا موجودة

شكرن بزاف على تفاعلكم معايا بغيت نسولكم وخصوصا اختي كنزة فحال مثلا هوا ايلا اتقضى الخضره ديال اسبوعين واتقضى شي تواشا بحال لي برودوي دو مناج بحال البارح جاب كولكات وجاب بان دوش وجاب تيد ديال المصبنه واش زعما نقدر نشيط شي شويه ولا لا مع العلم انني انا مكنسرفش ولكم جزيل الشكر