مثبت نجاة تادلة
22/11/2019
أخواتي كيف حالكن إن شاء الله بخير
هدوا مقاديرالشكيلات لي صوبت
الحلوة الأولى:
المقادير:
نسمة زهرة البرتقال
كيلو لوز مصلوق ومفسخ
نصف كيلو سنيدة
الزبدة حسب نوعية اللوز
شوية ماء الزهر
منسم حسب الذوق
نطحنوا اللوزبوحدو ثم نطحنوه المرة الثانية مع سنيدة ثم نزيد عليه الزبدة وماء الزهر وفي الأخير نزيد عليه المنسم
العجينة
كيلو فورص
4 ملاعق كبار سنيدة
رابعة الزبدة لذة
بيضة
شوية الملح
ماء الزهر لجمع العجين
العجينة خاصها تكون قاصحة نديروها في بلاستيكة ونخليوها ترتاح في الثلاجة
هاد العجين غنديروه للحلاوي بجوج
أولا كنخرجوا العجينة رقيقة وكنديروا اللوز بين جوج ميكات و كنسرحوه
كنسرحوا العجين ونقطعوها بالمرشم
ثم نضع العجين فوق اللوز
ثم نقطع بالطابع ونخلي وسطه الحلوى
ثم نطبع مرة أخرى العجين
ثم نضغط على الحلوى بالطابع
نقطع مرة أخرى العجين ندهن وسطها بالبيض ثم نلويوها للنصف على هذا الشكل
والصور غتبين ليكم الباقي
ثم نطبعوا وريدات صغاربهاد الطابع
ندهنوا الحلوى من الجنب بالبيض ونديروا فوقها وريدة ونثقبوها
من بعد ندهنوا الحلوى بالزبدة ونخليوها تبات عاد نطيبوها
هنا مني طابت
نعروها في الوسط بالشكلاط الأسود
ثم ندهنوها بالنباج ونزوقوها بالعقيق
هنا مني وجدات
الحلوى الثانية:
مقادير الحشوة
كيلو تمر معجون
لوز بقشوره مقطع ومحمر
كركاع مقطع و محمر
زنجلان محمر
ماء الزهر لجمع الحشوة
الطريقة
هاهما مقادير الحشوة:
في إناء كنديروا التمر + زنجلان + لوز + كركاع
هنا منين خلطناه
نديروه كويرات صغارو نحتافظوا بيهم
من بعد سرحت العجين وقطعتوا دوائر
هاهم المطابع لي غنحتاجوا
من بعد درت التمر وسط العجين ولويتوا ثم طبعتوا
دهنت الحلوى بالبيض وزوقتها بوريدات من العجين القهوي والأبيض
ومني طابت دهنتها بالنباج
وهاهي مني وجدات
hgfuq lk hga;dghj gd wh,fj lkd ]og,h uk]d hgkhs
عن طريق : samsung – SM-N9005
المشاركة الأصلية كتبت بواسطة chourouke 
شكرا أختي الله يبارك فيك
المشاركة الأصلية كتبت بواسطة رضاالله شكرا أختي الله يبارك فيك
المشاركة الأصلية كتبت بواسطة safia71 شكرا أختي الله يبارك فيك