حلويات عيد الأضحى المبارك

ط­ظ„ظˆظٹط§طھ عيد ط§ظ„ط£ط¶ط­ظ‰ ط§ظ„ظ…ط¨ط§ط±ظƒ







قمت فهاد العيد بتحضير هاد الحلويات أو حبيت نزلهم ليكم أو تعطيو رايكم
حلوة الوردة والكعبة والعرايش والبليغات عجينة واحدة وحشوة واحدة ما الاختلاف في النكهات
وحدة نسمتها بقشرة الحامض الكعبة بالمسكة الحرة ومازهر او الاخرى بالفاني

العجينة :
1 كيلو دقيق مغربل
250g زبدة دايبة مصفات من الحليب
ملح قليل من ما زهر
بودرة الكاكاو المر
ملون غدائي
الماء الدافي لجمع العجين

الحشوة :
1 كيلو لوز مسلوق منشف أو مطحون مع نصف كيلو سنيدة
بيضة
2 معالق كوفيتر المشماش ملعقة زبدة على درجة حرارة المطبخ
النسمة : فاني أو مازهر مع المسكة أو قشرة الحامض محكوكة
التزين :

العسل
البريون
كويغطات
أبيض البيض مع قليل من الحليب لدهن الكعبة

الطريقة :
كنخلطو الطحين مع الزبدة مزيان حتى يترمل ألا ندوزوه من الحكاكة على طريقة الاخت" أم البنات "
تم نضيف مازهر والماء ونجمع العجينة بلا منعجنوها أندخلها لتلاجة ترتاح

ملحوضة:
مكنعجنوش العجينة ديال الحلويات باش تبقى طرية ورطبة حيت الدقيق فيه مادة lgluten ويلا بدينا كندلكو فلعجينة كتخرج منو ديك المادة اكتولي عندنا العجينة مطاطية لهدا حنا محجتناش بعجينة الحلوة تكون مطاطية بحال عجينة الخبز
لهدا من اليوم خدوها كقاعدة دلكو غي عجينة الخبز أو المسمن ومشابه… أما الحلوة فلا !

نرجعو الطريقة كنجمعو العقدة ونكورها على شكل أصابع بنسبة الكعب غزال أو العرايش او كويرات بنسبة لوردة أو حرابل بنسبة لبليغات

يتبع إن شاء الله بعد الفاصل ههه
نوض نصلي المغرب أنرجع نحط الطريقة بالصور
ماتجوبوش حتى نسالي

pg,dhj ud] hgHqpn hglfhv;