طبسيل مشكل la pate sable

بواسطة السيدة أم رامي
15 مارس، 2023

ثبت ام الحلوين بتاريخ 06-02-2019 السلام عليكم ورحمة الله تعالى وبركاته يا الانيقات نتمنى من الله تكونو جميع لاباس يا ربي امين اليوم باذن الله درت ليكم ط·ط¨ط³ظٹظ„ ظ…ط´ظƒظ„ كلو ب la pate sable انحتاجو انشاء الله ل 150 غ زبدة 90 غ سكر كلاصي بيضة صغيرة مخفوقة 250 غ من لطحين شكلاط اسود مربى المشمش ما زهر لوز محمر و مهرمش كوكو نطربو الزبدة و السكر كلاصي حتي تصبح عندنا كريما و يصبح لونها باهت ثم نضيفو البيض المخفوق و نطربو نغربلو الطحين و نبداونضيفو بشوية بشوية حتى نجمعو العجينة نديروها ف بلاستيك غذائي و نخليوها ترتاح واحد 30 دقيقة نشكلو بها الاشكال اللي بغينا و ندخلوهم للفرن فحرارة متوسطة حتى يطيبو انا هنا خرجت شكل بالبوق و لصقت كل 2 بالمربى و غمست ليهم الراس فالشكلاط اسود و شكل اخر بالبوق مدور غمستو فشكلاط و فندتو فاللوز محمر و شكل اخر درتو بالطابع ديال القلب ولصقتو بالمربى و شكل اخر درتو بطابع ديال القلب و لقيت 2 قلوبا بالمربى و غمست نصف القلب فالشكلاط و شكل اخر درتو بطابع بيضوي الشكل و لصقتو بالكونفتير و دهنت الجناب بالمربى و فندتهم فاللوز محمر وبالنسبة للي فيها كوكو درت كويرات صغار دخلتهم للفرن منين طابو درت 2 م ك مربى و معهم م ص مازهر و درت الكويرات فيه و لصقت كل 2 مع بعضهم و فندتهم فكوكو بالسبة للحلوى ديال الشكلاط اللي فالوسط ف خديت شوية ديال الكيك كان عندي فالكونجيلاتور و زدت عليه معلقة ديال ما زهر و 2 م ك عسل و 2 مك زبدة مذوبة و خلطتهم مزيان و زدت عليم 5 م ك كورن فليكس و نص م ص نافع و 2 معالق الكركاع مهرمش و 2 م لوز محمر و مهرمش و خلطت كلشي مزيان و درتهم كويرات صغار و فندتهم فشكلاط اسود نتمنى من الله سبحانه و تعالى يعجبكم هاد الشي و ماتنسونيش من صالح دعائكم و في امان الله