السلام عليكم الانيقات كيفكم ان شاء الله بخير
لبارح مشيت معروضة عند عمتي على فكرة هي كتاخذ دروس في جمعية للطبخ و الحلويات
ذقت عندها واحد البسكوي عجبني بزاف و زاد عجبني حيت الوليدات الصغار دارو عليه هجوم ههههه
المهم جبت المقادير ديالو و ديرتو مور الغداء …ساهل كيوجد بسرعة نخليكم مع المقادير بلا منزيد نطول عليكم
المقادير
ربع كيلو زبدة+كاس كوك مطحون+بيضتين+نصف كاس زيت+150 غرام سكر كلاصي+1 فلان ديال درهم اسمه تشينو+ملعقتين ميزينا+واحد لافاني+واحد نصف ساشي ديال خميرة الحلوى+ الدقيق حسب الخليط المهم العجينة كتكون بحال الصابلي العادية
للتزيين
اصفر بيضة +ملعقة نسكافي
الطريقة
في اناء نضع الزبدة مع سكر كلاصي نخدموهم مزيان ونضيفو عليهم ميزينا+ لافاني+فلان+الزيت+الخميرة+البيض ونخدمو الخليط مزيان حتى ينسجم و نضيفو ط§ظ„ظƒظˆظƒ وفي الاخير نضيفو الدقيق
ناخد رشام مربع و نعملو وحدة مربعة و اخرى فيها ثقب بالوسط ….هادي الي فيها ثقب كنزينوها بالبيضة مع نسكافي ونخدو الفورشيط نديرو خطوط عمودية و اخرى افقية وندخلوها للفرن ملي تطيب نلسقو بالشوكلاط مذوب وحدة عادية مع هاديك الي مزينها وفيها ثقب وملي نلصقوهم نجيو عند الثقب ونديرو شوكولا مثل جبل صغير
المرشم ما لقيتوش بحال ديال عمتي مربعين واحد فيه ثقب و واحد عادي…انا رشمت بالغلاقة ديال نسكافي ههههه وقضيت حاجة و بالنسبة الي فيها ثقب استعملت الغلاقة ديال الزيت
نخليكم مع الصورة غير سمحولي ليوم مكان حد يصور المراحل صورتلكم الطبق النهائي لكن المرة الجاية غاد نصورها ليكم ان شاء الله
اوا متنسوناش من دعائكم
وهادي هي الحلوى بالمرفقات
Photos-0751.jpg
[]d] fs;,d lvfuhj fhg;,; , hga,;,gh hg;,; fwhfgd
المشاركة الأصلية كتبت بواسطة TIZNITYA 
الله يعطيك الصحة اختي بارك الله فيك
المشاركة الأصلية كتبت بواسطة FATIMARADI derien اختي بارك الله فيك
المشاركة الأصلية كتبت بواسطة FATIMARADI بارك الله فيك اختي و لي كنتمناه هو نجتمع بالزوج ديالي عكسولي التجمع…دعي معايا اختي