هدية لام الحلوين الغالية زميتة الشاوية

كيف ديرين الانيقات لاباس عليكم

اليوم جبت ليكم الزميتة ديال منطقة ط§ظ„ط´ط§ظˆظٹط© و هي ظ‡ط¯ظٹط© مني لام ط§ظ„ط­ظ„ظˆظٹظ† و كل

الانيقات.

هاذ الزميتة تنديروها خصوصا فاش تتولد عندنا شي امراة و هي تقريبا عادة متعارف

عليها غير تتسمع الزميتة تتعرف كاينة نافسة و هي تيديروها لكثرة الفوائد لي فيها

كثرت عليكم الهدرة ياااااك.!!!ايوا يلاه تاخدو المقادير و ممكن نديرو نصفها او ربع

ديالها حسب لي بغيتو

المقادير

-2كيلو قمح

-1كيلو ذرة

-1كيلو شعير

نصف كيلو زريعة الكتان

-نصف كيلو ايلان

-نصف كيلو جنجلان

-1كيلو حمص

-نصف كيلو كاوكاو رقيق

-رابعة الصوجا

-نصف رابعة حبة حلاوة

-نصف رابعة نافع

-القليل من زريعة الكرعة

-2 دراهم زعتر

-2دراهم فليو

-2 دراهم تيميجي

-2 كوزات

-50 ريال كوزة صحراوية

-قبصة ملح

الطريقة

حنا اماهاتنا تيكليو هاد شي في المقلة ديال الطين او ما يقال ليها الفراح باللهجة

ديالنا و لكن تيتعذر على الكل يكلي بهاد الطريقة لدلك فكل واحدة تكلي بطريقتها

غير هي واحد النقطة تنكليو غير القطاني و الحبوب و نردو البال ليتحرقو اما

المنسمات غير تيتسخنو الشوية عاد نضيفوهم في الاخير مع شوية الملح و من

الاحسن نطحنوها في الطاحونة دزنقة حيت الكمية كثيرة.

فاش نجيبوها نغربلوها و هي سخونة باش ماتضيعش لينا منها بزاف

و راه تتخرج الخير و البركة توكلي النافسة و الجيران و العائلة ههههههههههه

هاهي فاش تتطحن و تغربل

نجيو لطريقة التخلاط

غانحتاجو

-ماء غليان
-سكر حسب الذوق
-زيت زيتون عينك ميزانك غير باش تكون متماسكة

غادي نقرب ليكم المسائل مثلا 2كيسان ماء غليان تنديو معاه 2 معالق سكر

سنيدة 2 معالق كبار زيت زيتون و الزميتة تنزيدو بشوية حتى تجمع و تولي

هكذا

و حيت هاد طبيسيل معندو مايدير ليك زيديك هاد طبيسيل دايل الحرشة مازال

سخونة

نتمنى نكون عند حسن ظن مشرفتي و كل العضوات و نكون توفقت في الشرح

و قدرت نوصل ليكم الوصفة مزيان و بالصحة والراحة

i]dm ghl hgpg,dk hgyhgdm .ldjm hgah,dm lhg hg.hkdm

مشكورات اخواتي على المرور الطيب و مرحبا بك اختي fatini في منتدانا الغالي و حنا كلنا