من مطبخ أم هنية ومنصف مليويات معمرين بالطون والفرماج

أنيقاتي العزيزات ليوم جبت ليكم طريقة الملوي معمر ط¨ط§ظ„ط·ظˆظ† ظˆط§ظ„ظپط±ظ…ط§ط¬ ولي كيجي هشيش و الحشوة موزعة على الملوي كامل كنتمنى يعجبكم وتجربوه
العجين
نص كيلو فروص
نص كيلو قمح
م ص ملح ، م ك سكر،راس م ص خميرة الخبز
ماء دافئ

كنعجنو العجينة ديالنا و ندلكوها مزيان و نخلوها ترتاح 10 دقائق

ثم نشكلو منها كويرات صغيرة و نخلوهم يرتاحو شوية .

للحشو
بصلة كبيرة مشلضة
نصف م هريسة
حك طون
كأس فرماج محكوك
شوية زيتون مقطع
ملح،إبزار،خرقوم،تحميرة
ربيع

كناخدو مقلة كنديرو فيها شوية زيت والبصل والعطرية ونقلوهم شوية تم نضيفو باقي المكونات ونخلو الحشوة تبرد



ملي لكويرات يرتاحو مزيان نورقوهم بالزيت ونوزعو عليها شوية الحشوة و نطووها على 2 أو نعاودو نطووها على 2 مرة آخرى ونبداو نلويو العجين ديالنا و نحطوها على جنب ونديرو وحدة آخرى ونحطو عليها الأولى ونلووهم مجموعين و الصور غادي توضح ليكم أكتر





نخلوهم يرتاحو مزيان ثم نديرو المقلة التقيلة تسخن مزيان و نكرصو الملوي ديالنا و نديروهم إيطيبو مع الرش مرة مرة بالزيت أو العافية تكون مهيلة و ونقلبوهم مرة مرة أو بالصحة والراحة





في أمان الله