13/07/2019 السلام عليكم ورحمة الله وبركاته نتمنى تكونو بخير وعلى خير حبيباتي ليوم غنقدم ليكم ان شاء الله ط§ظ„ظ…ظ„ط§ظˆظٹ بالخليع, نتمنى تعجبكم الوصفة وتجربوها. المقادير: 3زلايف طحين 1زلافة فينو ملح ماء لجمع العجين لخليع للحشو 
هاد النوع اللي كنشري 
الطريقة: -نجمعو العجين وندلكوه مزيان, نخليوه يرتاح 15min مغطاة ببلاستيك. 
– من بعد نعملو كويرات بالحجم اللي بغينا, ندهنوهم بالزيت ونخليوهم يرتاحو 10min. 
-نبداو العمل بأول كرة شكلنا, نكونو وجدنا زلافة ديال ليدام, فيها الزبدة مذوبة بكثرة ونزيدوها شوية ديال الزيت. نوجدو زلافة أخرى فيها الطحين مخلط بالفينو. -نطلقو اول كريصة مزيان ورقيييقة بزاف, ندهنو بليدام وخليط الطحين والفينو. 
-نجمعو الجوانب ونيدمو ونرشو الطحين والفينو ونعاودو نطويو كما هو موضح في الصور. 
-نعملو لخليع شوية شوية فوسط المستطيل, ندهنو الجنيبات بليدام ونرشوهم بالطحين والفينو, ثم نلفوها على شكل اسطوانة, والجناب الاخيرين نخبيوهم يصباعنا فوسط الاسطوانة من كل جانب. 
-نردوها للصينية ترتاح ونحطوها واقفة ونبركو علها شوية باش تشد راسها. -نكمل كل الكرات بنفس الطريقة. 
-يمكن تبداي الطياب قبل ماتسالي كل الكرات, على حسب واش ارتاحو كفاية او لا. -نبداو نبسطو أول مليوية. 
-نحطوها طيب فالمقلة الثقيلة على نار متوسطة. -بعد ما حطيناها نعاودو نقلبوها فيساع, ونعاودو نقلبوها ثاني, من بعد نخليوها طيب على راحتها, مع التقليب المستمر. 
هنا كتبدا تنتفخ 
هاهو واجد 
وبالصحة والراحة
hglgh,d fhgogdu fhg[ldu
السلام عليكم تبارك الله كيشهيو وانا دايرة لضراب على الخبز بصفة عامة ولكن ان شاء الله نجربهم كاين لي ياكلهم هههه تبارك الله عليك
شكرا لك أختي أم رميساء.
تبارك الله عليك
مشاء الله غير الشوفة فيهم كتشهي الله يحفظك اختي
المشاركة الأصلية كتبت بواسطة oum maryama 
مشاء الله غير الشوفة فيهم كتشهي الله يحفظك اختي هههه شكرا ليك أختي, اسعدني مرورك.
ممممممممممممم تبارك الله عليك هدشي كايشهي الله يعطيك الصحة تم التقييم حبيبتي
khti wach tarika madaysdkch liyamona hit ana mak
المشاركة الأصلية كتبت بواسطة salmaali ممممممممممممم تبارك الله عليك هدشي كايشهي الله يعطيك الصحة تم التقييم حبيبتي الله يبارك فيك وينورك أختي, اسعدني مرورك غاليتي.