معجنات نزولا عند طلب الأخت إيمان المالكي

المعجنات لي عملت في العراضة على عائلة زوجي

صفيحة باللحمة المفرومة+فطائر الجبنة+ميني بيتزا+قرون الفلفل الحشية

أولا العجينة لي عملت أنا خلطت بين عجينتين : عجينة العشر دقائق و عجينة الكنز للأخت دعاء القلوب
نفس عجينة 10 د بإستثناء الزيت عملت بدلها الزبدة

صفيحة باللحمة المفرومة

1/2 كيلو لحم مفروم ناعم معاه شوية د الشحمة
+بصلة صغيرة محكوكة و مصفية من الماء ديالها
+مطيشة منقية و منزوعة البذور و مصفية من الماء ديالها و مقطعة صغيرة
+شوية الربيع مفروم
+ملعقة كبيرة مطيشة الحك
+شوية الملح و بزار+شوية سكنجبير بودرة و تحميرة

نخلط الكل جيدا و نكرص العجين و نثقبها فحال بيتزا و نحط الحشوة و نقرصها من الجناب
كيفما موضح في الصورة

فطائر بالجبنة

أي جبنة ما تكونش تتسيح تكون شادة في راسها
نفتت الجبنة و نزيد عليها شوية الزعتر و بيضة مخفوقة نخلط مزيان
أنا محطيتش الملح لأنو الجبنة لي عملت مالحة
و نعمل كيفا في الصورة

قرون الفلفل المحشية
هاذي عجبات الضياف عندي جاتهم غريبة

لحم مفروم مع البصلة و مشحرين شوية في الزيت مع البهارات و الملح

الفلفل حار نخبطو شوية على الرخامة برفق
نفتح الفلفلة ونحاول نزول الزريعة
نقليهم في الزيت نصفيها مزيان و نحشيها باللحم المفروم
و من العجينة نقطع شرائط طويلة و نلفها على الفلفة

نسيت ما صورتش كل المراح نتمنى تكون الفكرة وصلات

أما البيتزا راه الكل تبارك الله تيعرف يعملها

و هاهي صورة الطبق النهائي

شوفي هاد الرابط حتى هو في المعجنات

https://www.anaqamaghribia.com/vb/sho…956&highlight=

إنتظروا المخلللات على طريقتي

lu[khj k.,gh uk] ‘gf hgHoj Ydlhk hglhg;d Y]lhk