في…. 2024- 05 -17 خبيزات ط¨ط§ظ„طظ„ظٹط¨ والشكلاط المقادير : 1 كيلو فرينا نصف لتر حليب ومن أحسن كامل الدسم إذا متوفر 100 غ سكر سنيدة (و ضروري منفتش 100 غ حيث غادي يتحمرو بزاف الخبيزات ديالنا أو يميلوا للون البني المحروق ) 50 غ خميرة الخبز 50 غ زبدة 2 بيضات وأصفر بيضة فانيليا لتنسيم رشة ملح 200 غ شكلاط من أحسن هدوك نقيطات الشكلاط المدورين زونين وكيعطيو منضر رائع ، ماكنش عندي عملت غي شكلات العادي وقطعتو بالموس 
أول عمل ندفيو الحليب شوية ونضيفو ليه السكر والخميرة ونخلطو مزيان ونضيفوه على الكيلو فرينا لعندنا ونخدمو مزيان 
بعد ما خدمنا الخليط ديالنا ، نزيدو الزبدة بحرارة المطبخ والبيض ونخدمو العجينة ديالنا ومن طبيعة الحال رشة الملح والفنيلية ، خاص تكون خفيفة وكتلسق شوية في يدين وإلا ممتوفرش الخلاط الكهربائي خاص ديك 10 د ديال الخدمة بش تعطينا نتيجة جيدة 
في الأخير الشكلاط 
نغتوها ونخلوهة تخمر ، كتحتاج 40 د إلى ساعة حسب حرارة المطبخ ، كنت مشعلا السخانة فالمطبخ ستغليت الفرصة وحطيتها حدها كيف تشوفو في الصورة ، هادي فكرة إلا عندكم مطبخ بارد بزاف 
بعد ما خمرت رشيت مكان العمل بشوية فرينا وحطيت العجينة ديلي بش نخدمها ، كنعون راسي بشوية الزيت أو الفرينا ومن أحسن الثانية ، ومني نحاول نشكل الخبيزات مندغطش على العجينة ونشكلوهم صغار قد ما أمكن حيت كتنفخو مزيان ، مني نكملوهم واحد 20 دقيقة يرتاحوا وإلى الفرن درجة الحرارة 180 المدة 20 دقيقة أو أكثر أو أقل حسب الفرن لعندكم وش غاز أو ضو وبصحة وراحة ، أسأل الله يعجبكم الخبيزات كصلحو الفطور على وجه الخصوص . لا تنسونا من صالح الدعاء 
السلام عليكم هذا كان أول موضوع نشارك بيه في دورة العضوات ، الصراحة إحساس زوين بزاف مني جيت نشوفو ونقلوا للجميع ، إن شاء الله يفيدكم وكنشكر أناقة عربية على الثقة لي حطات فيا
ofd.hj fhgpgdf ,hga;gh’
تبارك الله عليك وخلاص وباش عجبتيني حطيتهم فوقيتة ديال كاسكروط الله يعطيك الخير ماغنكونش طماعة غناخد ليك غير 3 والله يقوي الخير هههههههه احلى تقييييييم ازين
الله يبارك أزين والله يفرج هم صديقتك ، قريت دبا شوية الموضوع ولكن للأسف ماعندي حتى أفكار قانونية وبالخصوص في المغرب ، متسلنا غي الدعاء وخاص تكون قوية والله معها يا رب ، شكراً بزاف على التقييم حبيبتي ، وبصحتك وراحتك مدام نتي الأولى لي تفرحني خدي لي بغيتي ههههه ، تحياتي
ربي يخليك اختي ويحفظك من كل سوء
بالصحة و الراحة أ لالة
خبيزيات كيحمقو يسلمو حبيبتي
المشاركة الأصلية كتبت بواسطة sagittaire 
ربي يخليك اختي ويحفظك من كل سوء آمين الحبيبة شكراً لك بزاف
الله يبارك يحمقو وهادا مايعجب دراري إن شاء الله نجربهم في القريب العاجل
المشاركة الأصلية كتبت بواسطة عبلة نوار خبيزيات كيحمقو يسلمو حبيبتي ربي يخليك أختي مشكورة على المرور
تبارك الله عليك اختي