عجين يصلح للكرص القراشل البتيبان و الكرواصون بالصور

oum hedayah
7-15-2019

هاد الوصفة عطاتها لي صديقة كتعمل فمحل للمعجنات او الخبوزات
و صدقة غزالة و ممكن تعملي بيه اي نوع معجنات

المقادير :

1كيلو غرام دقيق

(اقل او اكثر حسب الخليط وتشرب الدقيق للسوائل كيخص العجينة تكون لينة و متاسكة )
2معالق كبيرة خميرة الخبز
ملعقة كبيرة فاني
كاس او اكثر سكر حسب الذوق
ملح
2 بيضات
كاس زيت
2 كيسان حليب دافي للعجن
ممكن متحتاجوش 2 كيسان كاملين او ممكن تحتاجو اكثر
حسب نوعية الدقيق المستعمل و مكية امتصاصو للسوائل

العبار بالكاس ديال العنبة اي ديال رابعة

الطريقة :

فالقصعة كنخلو الدقيق و نديرو وسطو حفرة و نعملو فيها كل المقادير الباقية

الا الحليب كنضيفو بشوية بشوية
عني ميزاني وانا كنعجن كنضيف الحليب حسب حاجتي
نعجن الكل و ندلك جيدا

حتى كتتكون عندي عجينة لينة خفيفة و متماسكة مكتلصقش فاليد

ثم يترك العجين ليختمر المرة الالى

شوفوها بعد مخمرات تضاعف حجمها و تهوات
ثم نشكله كيفما احببا

انا عملتها كريصات او قراشل

يمكن تشكيله كبتيبان او شنيك او كرواصون او قراشل

و نتركه يختمر للمرة الثانية
ندهنه بالبيض او الحليب ونرشهم بالنجلان( مكانش متوفر عندي)

ثم نخبزه

و هاهما واجدين
للتقديم بالصحة و الراحة

ان شاء الله تنال الوصفة اعجابكم

اللهم أدمها نعمة و بارك لنا فيها و احفظها من الزوال
و اجعل فيها الصحة والعافية

وعليكم السلام ورحمة الله وبركاته

---

u[dk dwgp gg;vw hgrvhag hgfjdfhk , hg;v,hw,k fhgw,v gg;va

شكرا اختي على هاد الوصفة الرائعة وتبارك الله عليك اختي بغيت نسولك بالنسبة لبتي با والكرواصة الى كان ممكن تشرح ليا الطريقة كيفاش انعملهوم الله يجازيك بالخير

يسلموووووووووووو

تبارك الله عليك رااااااااائعين

تبارك الله عليك الحادكة و جزاك الله خيرا

شكـــرا علــى الوصفـــة أختـــي

الله يعطيك الصحة جاواك فنيوينين

جزاك الله خيرا على هذه الوصفة وجعلها الله عز وجل في ميزان حسناتك

اتبارك الله اعليك دابا انجربها ان شاء الله

تبارك الله عليك حبيبتي قمرة اليل
كرص اكثر من راااااااااااااااااااااااااااااااائع ماشاء الله
كيشهي تبارك الله عليك
الله يجازيك بكل خير يا ربي امين
احسن تقييم من عندي