كرواصون بعجينة العشر دقائق.

السلام عليكم الأنيقات،
هاد الكرواصون كنت سبق لي وحطيت تجربتي ليها فقسم الوصفات المجربة.
بعض الأخوات كانوا طلبو مني نزل ليهم الطريقة وأنا واعدتهم بذالك والبارح كتاب لي نعملها مرة أخرى وأنا نصورها ليهم. ندوزا دابا للمقادير والطريقة.

مقادير المرحلة الأولى:

https://i.imgur.com/ib2C7.jpg

2 معالق كبار خميرة،2 معالق كبار حليب بودرة،100غ سكر،2 كيسان دقيق و2 كيسان ماء دافئ.

فالمرحلة التانية غادي نحتاجو 3 كيسان دقيق وللتوراق 400غ زبدة.
الكأس للي عبرت بيه كيهزل لي 200 ملل دالماء.

الطريقة:

https://i.imgur.com/NHWMH.jpg
الزبدة درتها فبلاستيكة ودلكتها ودخلتها المجمد لحين الأستعمال.
https://i.imgur.com/mOnvd.jpg

https://i.imgur.com/W5zfJ.jpg
هنا درت مقاديرالمرحلة الأولى فكاس الخلاط الكهربائي وخلطتهم مزيان. وخليتها تخمر واحد 10 دقايق.
https://i.imgur.com/Juvqg.jpg
https://i.imgur.com/MHxyW.jpg

بعد ما خمرات ضفت ليها مقادير المرحلة التانية وعجنتها وغطيتها ببلاستبكة وخليتها ترتاح واحد 20 دقيقة.
https://i.imgur.com/Mrfkw.jpg
https://i.imgur.com/OZRVC.jpg
https://i.imgur.com/CxSnV.jpg
https://i.imgur.com/kUP2o.jpg

بعد مارتاحت العجينة طلقتها ودرت الزبدة فوسطها وطويتها على تلاتة. عاودت طلقتها وطويتها على تلاتة وخليتها ترتاح نص ساعة فالتلاجة. باش طلقي العجينة ضروري ترشي الدقيق فكل مرة باش متلصقش ليك العجينة.
https://i.imgur.com/rAmnm.jpg
https://i.imgur.com/4QiIY.jpg
https://i.imgur.com/WoD8I.jpg
https://i.imgur.com/8LaLw.jpg
https://i.imgur.com/cUtvE.jpg

هاد العملية ديال الطي خاصها تكرر مازال 2 مرات وكل مرة خاصها ترتاح نص ساعة فالتلاجة.
من بعد ماتجبديها المرة التالتة من التلاجة طلقيهاوشكليها كيف مابغيتي ومن بعد خليها تخمر.
https://i.imgur.com/BvAG2.jpg
https://i.imgur.com/0FAXH.jpg
https://i.imgur.com/5geAs.jpg
https://i.imgur.com/FBrU3.jpg
https://i.imgur.com/cDQUN.jp
https://i.imgur.com/6wfVu.jpg

وهنا من بعد ما خمرت،
https://i.imgur.com/o5nbX.jpg
https://i.imgur.com/MNpJA.jpg

دخلتها للفرن سخون. وهاهي من بعد ماطابت نتمنى تعجبكم ونتمنى الشرح ديالي يكون فالمستوى لأن أختكم بينها وبين العربية شي 22 سنة.
https://i.imgur.com/bIoKU.jpg
https://i.imgur.com/0P6Wz.jpg
https://i.imgur.com/io2gD.jpg

وللي عندها شي استفسار أختكم في الخدمة.
دمتم في رعاية الله.

---

;v,hw,k fu[dkm hguav ]rhzr> hgusv ]rhzr

tbarkllah 3lik jawk ghzalin hana ghada nakhod 2 nftar bihom

masha2allah 3lik a khti

اختي بالصحة والراحة. تستاهلي الطبسيل كامل.

شكرًا الحبيبة.

الله يعطيك الصحه تطبيق راءع

ممممم تبارك الله الحبيبة جاتك غزالة
احلى تقييييييم

الله يعطيك الصحه

ولكن واش العحين في المرحله التانيه مافيهش الزيت

اختي فالوصفة الأصلية خاصك تزيدي فالمرحلة التانية نص كاس زيت ولكن أنا هنا ستغنيت عليها ودرت فبلاصتها الزبدة. *