اليوم اجا عبالى اعمل لولادى خليه النحل ظˆظ…ظ†ط§ظ‚ظٹط´ ط§ظ„ط²ظٹطھ ظˆط§ظ„ط²ط¹طھط±
الفلسطييييييييينى المشهووور يالله سوا نشوف المقادير والطريقه…….
العجينه كانت عجينه العشر دقايق مقدايرها سهله وبيسطه وممتازه جدا هالعجينه بستخدمها لكل اشي بالمعجنات كل شي بتتخيليه بالمعجنات اعمليه فيها ان شالله راح ابقي اوريكم بعض استخداماتى الها وكان اليوم من استخداماتى الى حتشوفوه الان نرجع للمقادير خمس كاسات دقيق وكوب ونصف الى كوبين حسب نوع الدقيق ماء دافئ وملعقتين كبار خميره ناشفه وملعقه صغيره ملح وتلات ملاعق سكر وربع كوب زيت وملعقتين طعام طظ„ظٹط¨ باودر اخلطى كل المقادير سوا ووكويس وكوييييس قد ما فيكى اعجنيها لحد ما تحسي انو معصم ايدك عدو انخلع ههههه بمزح اكيد وبس يا حلوه يا شطوره سيبيها بس تغطيها بكيس نايلون وتلفيها بفوطه وتتركيها عشر دقايق تتخمر وعطول خديها وسمى بالله واشتغلى … نيجى الان للخليه معلش سامحونى والله راح عن بالى اصور الطريقه بعد ما حطيت الصينيه لجوزى وولادى تزكرت انو لازم اصورها حتى حتشوفو الصوره الصينيه رايح نصها ههههههه المهم لحقنا اشي اهم شي تبان الفكره بتيجى يا حلوه بتاخدى كور صغنونه من العجينه يعنى قد حبه الجوز واحشيها جبنه كيري يعنى مكعب جبنه الكيري بيكفي لاربع كور من الحجم اللى بحكى عنو وبس تحشيها بالجبنه بتلفيها بين راحت ايديكى وبتخليها متل الكوره وحطيها بصينيه مدوره واعملى كل الكور وصفيهم جنب بعض بشكل مرتب من الخارج للداخل واتركى بينهم مسافه عشان تعملى حساب التخمير النهائي وبس تخلصي سيبيهم بالفرن متلا وهوا طافي وخليهم لحتى يخمرو وينفشو ويلزقو الكورات ببعضهن وبعدها ادهنى وشهم بالبيض باستخدام الفرشه الخاصه ورشي وشهم بالسمسم انا هون راشيتهم بالقزحه حبه البركه يعنى او الحبه السودا ما بعرف شو بتسموها بالمغرب المهم وبس بتحطيها على حراره 160 درجه ووبس تشقر وتستوى طالعيها واسقيها بالقطر اللى بتكونى مجهزاه مسبقا او بالعسل المخفف بشويه مي سخنه عشان تتشربهم الخليه والف صحه وهنا … اما مناقيش الزعتر فانا اليوم عملت من اللى ضل عندى من العجينه كويرات متوسطه قد البيضه يعنى ورقيتهم بالشوبك تبع الخبز وحطيتهم على صينيه مرشوشه دقيق وغطيتهم لحد ما خمرو وارتاحو ورجعت ضغطت على لقراص يلى عندى باطراف اصابعي على اساس ما بدي اياهم ينفشو من الوسط وبرشهم من الوسط بالزعتر الفلسطينى وزيت الزتون وبخبزهم اول شي بقلايه تيفال على الغاز عنار خفيفه وبس تتحمر اشوى من تحت بشيلها بملعقه خشبيه وعنفس الوش بحطها بفرن الغاز من تحت عشان يتحمر وشها واستمتعو باحلى والز مناقيييش بالزعتر مع اروع كاسه شاي بالمرميه ويارب تكونو فهمتو شرحلى واى سؤال انا حاضره … اه والله تعبت شوف قديش طلعت كاتبه بسم الله الرحمن الرحيم هههههههه
ogdm kpg ,lkhrda hg.dj ,hg.ujv lk fkj hgo’hf pgdf
مممممم بايني بنان
الله يعطيك الصحة
[/align]
تبارك الله عليك
اللهم صلي على سيدنا محمد
يابنات صلو عليه