غزالاتي جمعة مباركة عليكم كاملين يارب

سلام ط؛ط²ط§ظ„ط§طھظٹ ط¬ظ…ط¹ط© ظ…ط¨ط§ط±ظƒط© ط¹ظ„ظٹظƒظ… ظƒط§ظ…ظ„ظٹظ† يارب.عفاكم شكون عارفة كيف كيستعملو هادا لفصورة.فيه 2 ديال صاشي داكشي كيبانلي بحال غبرة.عاد مفحتوش.جابتولي عمتي من هولندا معرفتش نستعملو.لتعرف تفيدني وشكرااا

---

y.hghjd [lum lfhv;m ugd;l ;hlgdk dhvf [luj ]hvj

اختي ترجمت الكتابة للي على الباكية

tomatensoep
حساء الطماطم

يعني ممكن تديري بهاد لاصوص شربة او تطيبيها خاترة وديريها صلصة لسباكيتي
شديت هاد الكلمة للي على الباكية ودرتها ف google
هاهما الصور للي خرجو لي خودي افكار من الشربات

باش تفهمي اكتر ديري الكلمة فgoogle وشوفي الوصفات

أخت أم ريما عفاك عطيني شي وصفة ساهلة

السلام عليكم ورحمة الله وبركاته
الترجمة ديالها هي حريرة الطماطم.
أنا كنت كنستعمله في لحريرة. قبل منزيد الدقيق في الحريرة كندير واحد ساشي في واحد الكاس ديال الماء كبير أو نحرك مزيان، تم كنخويه على لحريرة ديالي، منبعد كنزيد الدقيق عادي بحال ديمة أو نخلي لحريرة ديالي طيب مع تحريك مرة مرة.
ولكن دبا مكنستعملهاش حيت كنخاف تكون فيها شي حاجة مضرة بصحة.
وخا قريت ل فيها أو مفيهاش شي حاجة خايبة ولكن من باب الإحتياط. حيت حتى بنه ديال كنور العادية عمري مستعملة هاش.
نتمنى أن أكون فيدتك.

ما عمرني جربت ولكن نقترح عليك

غتاخدي هاد الباكية تكبيها في كاسرونة و ضيفي عليها الماء الكافي وايضا التوابل ولو يكونو فيها التوابل انتي ضيفي باش تبنان ههه
شوية ملح كامون سكينجبير بزار توم قزبر ومعدنوس
خليها فوق النار مللي تغلى دوري فيها الشعرية تجي شربة زوينة

ممكن ديري نغس الطريقة لسباكيتي وحتى للروز

للأمانة لحريرة ديالها كتخرج بنينة بزاف.

شكراا بزاف أخواتي naima+أم ريما.أختي 70 naima واش ممكن تنزيلي مقادير حريرة لكدري حسيت كديريها لذيذة ههه

إن شاء الله اى لحبيبة، غير اكون عند شوية ديال الوقت أو نكتب ها لك.

السلام عليكم ورحمة الله وبركاته

ها هي الطريقة ديالي في لحريرة:
– كنقتع طرفات ديال اللحم صغار، تقريباً شي 200 حتى 300 غرام ديال اللحم. في لحريرة كنفضل لهم الغنمي.
– كندير اللحم إتشحير في الكوكوت مع زوج ديال معالق زيت بلدية أو جوج معالق زيت رومية. نديفلو الملحة أو نخليه إتشحر شي خمس دقايق.
– منبيعد كنضيف له الحمص مقشر. تقريبا واحد زلافة كبيرة ديال الحمص، حيت عزيز علي الحمص.
ندزو دبى لربيع وطماطم.
كنحتجو لبصلة كبيرة، ولا جوج صغار، ستة ولا سبعة ديال طماطم كبار، قسبر ، معدنوس، كرافس. ( خيزو مكندروش حيت كبسل لحريرة)
البصلة، لكرفس أو طماطم kanthanhoum أو نزيدهم في الكوكوت، معدنوس والقسبر كنكتعهوم أو ندير نص ، نص تاني كنخليه حتى الأخير. كنزيد القسبر أو لمعدنوس مقطعين.
– نزيد لحرور: معلقة صغيرة كمون، معلقة صغيرة أو نص فليفلة حامرا ، معلقة صغيرة حركوم، جوج معلقات صغار سكنجبير. ( الملون صناعي مكنستعملوش)
– كنزيد تقريبا جوج معلقات كبار ديال ماتيشا ديال الحك.
– كنزيد تقريباً يترو أو نص ديال الماء مغلي على الكوكوت أو كنسد عليها أو نخليها شي 20 دقيقة تقريباً، حتى اطيب الحمص.
– منين نفتح الكوكوت نزيد ألما مغلي، شي يترو أو نص، حتى جوج، من بعد نزيد الكسبر أو معدنوس لكنت خليت.
– ندوزو دبى tomatensoep ، في حالة استعملها. كندير واحد الكاس كبير ديال الماء أو نحرك فيه واحد ساشي أو نزيدهم على لحريرة ديالي، أو نحرك بش متلصكشي في القاع.
– منبعد ديركت كنزيد الدقيق بطريقة المعروفة أو نبقى نحرك. كمية الدقيق نت أو لبغيتي، أنا كنخلي لحريرة ديالي بين أو بين، يعني ماشي تقيلة أو ماشي جارية، نتمنى تكوني فهمتني.
– خمس دقايق قبل مطتفي عليها تزيدي شعرية، غير شوية.
– صافي ها هي لحريرة وجدات.

هادي هي طريقة ديالي، كيف ما لحضتي، مكنديرش بزاف ديال للمسائل، بحال خيزو، لعدس أو الفول. ولكن كتجي بنينة بشهادة الجميع. السر هو: متشترييش في طماطم، حيت لحريرة كتبغي طماطم ، أو خلي اللحم إتقلا بوحدو هو لوول عاد تزيدي المسائل الاخرى.

في أمان الله.