كلاص الاسكيمو للاطفال صنع منزلي بالمقادير والصور

29/3/15
السلام عليكم ورحمة الله تعالى وبركاته والصلاة والسلام على الحبيب رسول الله

هدي مقادير و طريقة الكلاص المعتمد عندي هادي سنين طويلة تنصاوب بيه اشكال ومذاقات مختلفة لكن الاساس واحد هو الكريمة الانجليزية وكريم شانتيي ومرات تنضيف مورانك ايطاليان في حالة ادا ضفت فواكه طرية للكلاص تندير بيه ظƒظ„ط§طµ منوع في الكؤوس او تنعمر كورنيات ديال الكوفغ تنصاوبهم في الدار وتنصاوب بيه ط§ظ„ط§ط³ظƒظٹظ…ظˆ نبداو على بركة الله المقادير

250غ كريمة
ربع لتر حليب
2 اصفر البيض
30غ سكر
للمذاق انا ستعملت الكراميل او نيسلي طايب والنصف 2 درت فيه بغاليني وعجين البيسطاش
الطريقة
تنخلطو اصفر البيض مع السكر وتنديرو الحليب يغلي تنزولوه ونضيفوه الى البيض مع التحراك تنردو الكل فوق نار مهيلة مع التحراك المستمر نضع شوية الخليط على ملعقة نرسمو خط بالاصبع بحيت يبقى الخليط تابت ميتلاقاش هكدا نعرفو انه واجد نخليوه يبرد مزيااااان ونضربو الشانتيي نضيفو ليه الخليط لاول بارد ونقسموه حسب النكهات انا هنا درت الكراميل والبيسطاش تنديروه في الة الكلاص يتخدم الى ماكانتش بلاش ولكن هي ضرورية الى ضفنا الفواكه طرية باش يجي رطب وملبي
تناخدو لمول خاصين بالاسكيمو ونعمروهم ونديرو العود وندخلوهم للمجمد تقريبا ليلة كاملة

وهاد الكبار بالبيسطاش

ملي تيجمدو تنطسوهم في الشكلاط ونزينوهم بالبيسطاش اوحسب الرغبة

او تنخلطو اللو ز مع الشكلاط وتنغطسوم

وهاهي النتيجة النهائية هاد المقاديرعطاتني 10 ديال ط§ظ„ط§ط³ظƒظٹظ…ظˆ صغار و6 كبار ماشاء الله