شنو هي علاقتك بالمطبخ ديالك ؟ فن او حداكة

بسم الله الرحمان الرحيم

عواشر مبروكة حبيباتي الغاليات

فاتح محرم و عاشوراء و عيد الاستقلال ههههه المهم كلشي في دقة

بغيت نجبد واحد الموضوع عندو علاقة ط¨ط§ظ„ظ…ط·ط¨ط® فقررت نحطو هنا عوض قسم النقاشات
كنشوف ما شاء الله انيقات كيبغيو المطبخ بزاف و وصفاتهم غاية في الروعة و كيعطيو اهتمام كبير للمطبخ ديالهم لا قلبا و لا قالبا يعني كنشوفو الوصفات ديالهم زونين متولين عندهم خاطر كبير لعمل شتى انواع الحلويات و الاطباق و تبارك الله حتى المطابخ ديالهم روعة
انا بغيت نعرف واش هادي هواية و وجود خاطر للمطبخ ؟ حيت انا شخصيا كنحاول ندير علاقة وطيدة مع مطبخي لكنني افشل ههههه
كنعرف اخت صديقة لي ما شاء الله كتقضي وقتها في المطبخ بين الوصفات و تحضير الاطباق و تتبع الجديد
واش هاداشي داخل في الحداكة ؟ يعني انا ماشي حادكة او هو فن وحب مطبخ
يا ريت الاخوات يفيدونا و يقولو لينا رأيهم في هاد الموضوع و علاقتهم ط¨ط§ظ„ظ…ط·ط¨ط® كيف دايرة ؟

تحياتي لكل انيقة هنا

---

ak, id ughrj; fhgl’fo ]dhg; ? tk h, p]h;m pdh;m

راني حاضية للي كطل و تهرب ههههههه
حتا نشدكم في شي موضوع

السلام عليكم
في نظري, هي هواية اولا, تليها الحداقة, وخاص الخاطر طبعا, يعني كلشي مجموع ههه.

الله ينورك حبيبتي على المشاركة الدقيقة المعنى

العفو أختي
نزيدك حاجة, بعد المرات, حتى منين كتشوفي شي وصفات, كتنوضي ديريهم غير فضول باش تشوفي كيف غيجيو هههه, حتى الفضول كيخليك تنوضي تحيدي العجز وتدخلي للمطبخ تتفنني وتحداقي.

اح اختي حطيتي يدك على الجرح انا دابة قريبة ي تبدأ عندي وحاد الكراهية خاصة للمطبخ حيت اختي وحاد الروتين قاتل نفس الاعمال و. كرهت حتى الطبخ و مبقاش كيستهويني بزاف عرفتي علاش حيت غير مكايزيد يطبزنا ها الملوي ها الكيكات ه البسطيلة ها المحمر ها المجمر اش هاد المصيبة ديال الدهون لي كندخلو لمعدتنا و كروشنا محطوطة قدامنا. و زيد الوقت لي كنضيعوه من حياتنا غير فالتخربيق نهار كامل و حنا واقفين فالكوزينة و الحصيلة فنهاية اليوم صفر و تتكﻵ المعانات كل يوم. اراو الفطور اراو الغدا اراو كاسكروط اراو العشا بزاف عييت فهاد الدوامة واش معنديش الحق نعيش حتى انا ونحقق احلامي و لا نبقى لا زين لا مجي بكري نتمنى البنات يعاونوني حيت بديت كندخل فوحاد الاكتئاب و الاعصاب

سمحيلي اختي خويت عليك قلبي بكل صراحة يمكن كاع معونتك غير مازدت عليك مشكيلتي

تخيلي اختي بغيت نكمل قرايتي ولكن شكون خلاك شغل الدار اصبح عندي متل القيود لي متخليك ديري حتا حاجة و مكينش لي يعاونك ولو بالقليل

هههههه كلامك صحيح حبيبتي
منين كنفيقو كنفكرو اش نفطرو اش نتغداو اش نتعاشو ههههههه

اختي اي حاجة كديريها حاولي ديريها بحب, ورراه حتا حاجة ما فابور, طيبتي فطور غدا وكسكروط وعشا واخلصتي النية, فراه من وراها اجر كبيييير.
بالنسبة للغلض ضروري تكونترولي راسك ههههه, كولي وقيسي, وربة البيت ديما خسها تكون حريصة تعطي لوليداتها اكل صحي كيف دكرتي, الشهيوات يكونو مرا مرا, ماشي كل يوم الحلويات والأكل الدسم ووووو لااااااا, اللهم نحاول على صحة وليداتي ولا نبقى كل نهار نعطيهم في الأكل الحلو او الدسم ووو ونخرج ليهم على صحتهم, كلشي بلقياس.
بالتوفيق اختي