هذا ط§ظ„ط¯ط¬ط§ط¬ كايجي فايت البنة شي شوية ههههه حتى لدرجة كانبغيو ناكلو حتى العظام هههه
بلا ما نطول عليكم ندخل في الموضوع حاجتنا لدجاج طراف أنت و عدد أفراد أسرتك نقليوهم في 2 معالق د الزيت العادية
أثناء القلي كانضيفوا شوية الملح و شي 2 معالق كبار خل أبيض و شوة د لبزار هما كايتقلاو و أنا كانوجد التابع ديال ط§ظ„ط¯ط¬ط§ط¬ حاجتنا لشي 2 بصلات مشلضين بحال لي فالصورة
2 ماطيشات متوسطين مقطعين
و طبعا ملح و ليبزار زيتون أخضر وشي 2 حتى ل 3 د كورنيشو مقطع صغير شوية د المعدنوس و الفطر المعلب أنا مدرتوش ما كايبغيوش ولادي
ملي يتحمر دجاج نهزو من ديك المقلة و نديرو فشي طاجين لي يدخل للفرن حيث عاد يكمل طياب فالفران
و ندير البصلةو الملح و ليبار و نخليها حتى تبدا تنزل عاد نضيف ماطيشة
و ثاني حتى تنزل ماطيشة و نضيف الفلفلة
بدون إضافة الما كولشي كايطلق الما و نخلي كولشي حتى يطيب شوية و نزيد الزيتون و الكورنيشو مقطع صغير
نزيد المعدنوس
كيف قلت كاندير ط§ظ„ط¯ط¬ط§ط¬ فشي ماعون لي يدخل للفرن أنا درتو فطاجين المعدن و نصب عليه داك المرق بالتساوي لي حضرنا و نكون هزيت ديك الفلفلة الحمرا باش نزين بها
و ندخلوا للفرن باش يكمل طيابو
و ها هو من بعد ما خرجتو من الفرن كايجي لذيذ بزاف ماتشبعوش منو
أتمنى تجربوه راه ساهل و اقتصادي و الأهم هو بنـــــــيــــــن
‘fr hg][h[ hgihzg lk l’fod fhgw,v
تبارك الله عليك
فعلا كيجي لذيذ وسهل في التحضير واقتصادي
كنعمل بحالو بفواكه البحر .
الله يعطيك الصحة .
سلوى مللي تتبغي دخليه للفران واش تتمرقي بالما ولا لا